HIZIQEELI 27:17 - Qullaawa Maxaafa

¹⁷ Yihudunna Israeelete daddalaasine, uduunnikkira qamade, coommanno tima malawo, ejersu zayitenna qimame uyitannohe.

HIZIQEELI 27:17 ပူးပေါင်းရင်းမြစ်များ

KALAQAMA 43:11

Anninsa Israeeli, «Maahoyye hatto ikkannoha ikkiro yitinoonnita asse; dancha gobbanke laalcho: Shiima buudhinanniha belesaani xagicho, shiima malawo, shitto, kaarbe, hawaawenna ocholoone haadhine ogorra'nera wortine massitine hakko manchira afansha assitine uuyye.

UMI MOOTOOLLA 5:9

Ane manni haqqa Libaanoosinni haa're baaru eelira massanno. Gamba assite usurteenna wayi duhe ati hasi'roottowa iillishanno gede assitanno. Hakkiicho ane manni usurroonni haqqe tire mannikkira aanno. Atino mootimma'ya mine hee'ranno mannira sagale sokke halcho'ya wonshatto» yee sokka soyi.

LAYINKI DUDUWO 2:10

Haqqe karanno mannira 20,000 kuntaala qamadenna 20,000 kuntaala hayixe, 400,000 litire woyinete xajjenna 400,000 litire ejersu zayite soyemmohe» yii.

IZIRA 3:7

Hakkunni gedensaanni, kinna boccannoriranna mintannorira woxe uyitu. Faarisi moote Qiroosi fajjino garinni daguwa Libaanoosinni baaru aanaanni qolte Iyophera abbitanno gede Sidoonanna Xiroosi mannira sagale, agattonna zayite uyitu.

ERMIYAASI 8:22

Geleaadi gobbara buudhinanni xagichi dinoni? Hakkiicho xagissannore dianfanni? Manni'ya mayira hura hoogi?

SOQQAMAASINETE LOOSO 12:20

Heeroodisi Xiroosinna Sidoonu mannira lowo geeshsha hanqe no. Insa mitteenni dagge mootete ledo gashshaanchi Bilasixoosi mootete ledo araarsannonsa gede xa'midhu. Isino maahoyye yiinsahu gedensaanni moote araara xa'midhu. Hatto assitinohu gobbansa sagale afidhannohu mootete gashshooti giddonni ikkinohuraati.

MARRO 32:14

Lowo adonna buuro aanno lalo, coomino ge'reewo, deesallo me"e, hardinoha Baasaani lalo uyinonsa. Dancha qamadenna, xuma woyinete xajje uyinonsa.

MARRO 8:8

Iseno qamade, hayixe, woyinetenna balasete haqqe, roomaanete laalo, zayitete ejedhenna malawu hee'ranno baattooti.

EJJEETTO 11:33

Aroeerinni kayise Miniiti qamatte geeshsha, hakkiino sae Abeeli-Kiraamiimi geeshsha noore 20 katamma co'o asse gudi. Amoonootuno Israeelete angara higgu.