HIZIQEELI 26:3 - Qullaawa Maxaafa

³ «Kunnira ani Kaaliiqi yeemmoti: Xiroosi katama, kuneeti ani hanqunni kaoommohe; atera bala tugganno gede lowo daga kawiira haa're abbeemmo. Insano baaru dambali gede ikkite aanaho ka'annohe.

HIZIQEELI 26:3 ပူးပေါင်းရင်းမြစ်များ

FAARSO 107:25

Kaaliiqi hajajita hombobolatte ka'e, dambala milli assitu.

ISAYAASI 5:30

Hatte yannara, baaru dambali gede gugganni Israeelete manni aana dagganno. Baatto la'anno woyite tunsichunna qarru gaangeesse noonsaha lawanno; gomichu xawaabba egemme tunsiisanno.

ERMIYAASI 21:13

Kunni lagichira iimaanni, kinnaame tullora noottohu ati Yerusaalamete katama! Ani ate aana noommo; ‹Ane ayi kisannoe?› yootto; ‹Qiisho'ya giddora ayi eanno?› yootto.

ERMIYAASI 25:22

Xiroosinna Sidoona mootoolla baala, Mediteraaniyu Baari qacce gaangaawira noo gobba mootoolla,

ERMIYAASI 50:31

«Ki'ne boonaleeyye, ani Olantote Mootichi Kaaliiqi ki'ne aana noommo; qorichisheemmo'ne yannano iillitino.

ERMIYAASI 50:42

Insa digaananna urde amaxxitinoreeti; kaajjaddahonna marartannokkireeti; faradinsa hirbi dambalu gedeeho. Baabilooni, kune insa ate qassara dagganni no.

ERMIYAASI 51:42

Baabilooni, diinu baaru dambali gede ikke egemmi.

ERMIYAASI 6:23

Insano digaananna urde amaxxite nooreeti; kaajjaddahonna marartannokkireeti; faradinsa hirbi dambalu gedeeho. Yerusaalame! Kune insa ate qassara dagganni no» yii.

HIZIQEELI 21:3

Ani Kaaliiqi yeemmore kulte Israeelete gobba qorophisiissanni, ‹Ani diinakkiiti; bise'ya fushshe danchanna busha badummokkinni duuchanka sheemmo.

HIZIQEELI 26:19

Mootichu Kaaliiqi, «Ayino hee'rara dandaannokki katamma diigantinote gede, mullicho asseemmohe; lowo baari egemmannohe gede asseemmo.

HIZIQEELI 27:26

Laaqiraanokki markabbakki haadhe baaru giddora massitu; soojjaati bubbe kayinni raateessite baaru giddo hiiqqaqqitu.

HIZIQEELI 28:22

Hakkiicho hee'ranno mannira ani Mootichu Kaaliiqi yeemmore kulinsa: Sidoona, ani atera hanqunni kaoommo; ate aana asseemmore lae, mannu baalu ayirrisannoe. Ate giddo heedhannore qorichishatenni Qullaawa ikka'ya leellisheenna ani Kaaliiqa ikkoommota afanno.

HIZIQEELI 29:10

ani atenna umi'yaho yaattahu Abbayi Wayi aana hanqunni kaoommo. Aliyyenni Migidooli kataminni kayise, wodiidoonni Asiwaani katama iilla geeshsha, hakkiinnino sae Itiyophiyu qacce iilla geeshsha, ate Gibitse mullicho asse agureemmo.

HIZIQEELI 38:3

‹Ani Mootichu Kaaliiqi hanqunni kaoommohe.

HIZIQEELI 5:8

Kunni daafira, ani Mootichu Kaaliiqi diina ikkoommo'neta kulanni noommo'ne. Dagate gashshooti baalu la"anna qorichisheemmo'ne.

MIKIYAASI 4:11

«Yerusaalame ba'o; diigamaserano tashshi yoonke» yitanni lowo gosa ki'ne aana hendoonnikki mitiimma tuggara gamba yitino.

NAHOOMI 2:12

Doobbiichu ugaaxe abbe, oososiranna ledosi heedhannotera meya doobbiichora ikkannonsa geeshshire shiqishannonsa. Godinsara ugaaxe abbino maala wonshanno.

NAHOOMI 3:5

Olantote Mootichi Kaaliiqi, «Nennewe, kuneeti diinoomunni kaoommohe. Uddanokki aanikkinni mulqeemmo; teedakki dagate, saalakkino gashshoote baalaho reqecci asseemmo.

ZAKKAARIYAASI 14:2

Yerusaalame qassanno gede daga gamba asse abbeemmo; katama amaddanno; minna soqqanno; meentono amadde shollishshanno; mannu giddonni daratu qafadame ha'ranno; gatinohu kayinni katamunni difulanno» yaanno.

ZAKKAARIYAASI 9:4

Ikkollana kayinni, gamba assi'rinoha Kaaliiqi haa're hoolanno; jirosi baaru giddo hunanno; katamuno giirame buluulo ikkanno.

LUQAASI 21:25

Yesuusi lede, «Arrishshote, aganunna beeddahete aana maala'linanni malaati leellanno; baattote aana noo manni baalu, baarunna dambalu luulinni kainohunni waajje gara hawanno.