HIZIQEELI 26:20 - Qullaawa Maxaafa

²⁰ Jeennaate dirrite albi manni ledo xaadatto gede asseemmohe. Reyitinori ledo fiixa ikkite hee'ratto gede, hakko baattote woroonni noo jeennaatira diigante ba'inori ledo wore agureemmohe. Kunninni kainohunni, layinkimeeshsho mannu dihee'rannohe; lubbotenni noori ledo dikiiramatto.

HIZIQEELI 26:20 ပူးပေါင်းရင်းမြစ်များ

FAARSO 27:13

Lubbotenni hee're Kaaliiqi assanno danchumma, afummokkinni digateemmo.

FAARSO 28:1

Kaaliiqa golo'ya eeggate, ate woshshi'reemmo; huuccatto'ya macciishsha gibbootie; sammi yite giwittoero kayinni bale ea'yaati.

ISAYAASI 14:10

Xa atino ninkente gede wolqa hoogitto? Ninke gedeeha ikkitto?

ISAYAASI 14:9

«Jeennaatu Baabilooni moote haa'rara qixxaawe no; ekerra baala iso haadhara milli milli yitanni no. Baattote aana noo wolqaataammi keerunni yitannosi; gashshaano baala ka'e uurrite:

ISAYAASI 4:5

Hatte yannara Kaaliiqi Tsiyooni Ilaaliranna hakkiicho gamba yite noorira baalaho barra gomicho, hashsha wiliilenna wala yaanno kiffala soyanno. Maganu ayirrinyi katama gudise guggushshe golanno.

ISAYAASI 59:10

Illetenni afannokki manni gede babbaattinanni ha'neemmo; tunsote noohu gede barra xawoho sarraaqammeemmo; ree jeennaateho noohu gede ikkinoommo.

ERMIYAASI 33:9

Hatte yannara, Yerusaalamete mannira asseemmoha dancha coye baala macciishshitanno gosa albaanni hagiirsiissannoe; ayirrinyenna galatano uyitannoe. Baattote aana noo gosa baala Yerusaalamete mannira asseemmoha dancha coyenna eemmonsa jiro affe waajjite qece yite huxidhanno» yii.

ERMIYAASI QURTO 3:6

Bi're bi're reyino manni gede, tunsichu giddo hee'reemmo gede assinoe.

HIZIQEELI 31:14

Aye gedeno waa agganni lophite kunni garinni hojja gordo iillitannoti, hattoo haqqicho kunni ka'a horonta diheedhanno. Mannaho iillitanno reyo insarano iillitanno; jeennaate dirritannori ledo karsantanno gede yoo yinoonninsa» yee coy'rie.

HIZIQEELI 39:7

Qullaawu su'mi'ya manni'ya Israeelete mereero egennamanno gede asseemmo; kunni ka'a su'mi'ya xonamara wore diagureemmo. Hakkunni gedensaanni, daga baala ani Kaaliiqi Israeelete Qullaawa ikkoommota affanno» yii.

AMOOTSI 9:2

Bale u'mite jeennaate dirrituro nafa, ani insa hakkiinni haa're fushsheemmo; iimira gordo higge buubburo nafa, galagalche uullara dirriseemmonsa.

YOONAASI 2:2

«Kaaliiqa'ya, qarrame hee're ate woshshi'roommo; atino yee yoottoe. Kaa'lo afi'rate yee, jeennaatu giddo raaroommo; atino raare'ya macciishshoottoe.

YOONAASI 2:6

Ilaallate hundi geeshsha lixummo; hegere geeshsha cufante heedhanno baatto dirrummo. «Ati Kaaliiqi Magani'ya kayinni, ane diimete giddonni fushshite, lubbo'ya gatisoottoe.

ZAKKAARIYAASI 2:8

Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

KIIRO 16:30

Kaaliiqi anfe egenninoonnikkiha haaro coye abbeenna lubbotenni heedhe waamma e'anno gede baatto afoose fante insanna insare baala egemmituro, kuni manni Kaaliiqa mishinoha ikkinota hatte yannara affinanni» yiinsa.

KIIRO 16:33

Kuni manni noonsari baalunku ledo lubbotenni hee'renni waamma ei; baattono afoose gamba assidhu; insano ba'e gattu.

MAATEWOOSI 11:23

Ati gordu geeshsha gotti yootta Qifirinahoomi! Jeennaate dirratta. Ate giddo assinoonni maalale Soddoomaho assinoommero, hakko katami baikkinni techo geeshsha hee'rannohu baino.

LUQAASI 10:15

Ati Qifirinahoomino, ufuufante gordo iillootto; ikkollana dirrite gaannaame eatto» yii.

LAYINKI PHEEXIROOSI 2:5

Keeraanchimmannire kulinoha Nohi wolu lamalu manni ledo gatise, albi alame mararikkinni cubbaataammu aana baote waa dirrisiro,