HIZIQEELI 26:16 - Qullaawa Maxaafa

¹⁶ Baaru mule noo gobba mootoolla ayirradu barciminsa aaninni dirritanno; maareekonnihanna gashshootu imaana mulqidhe, waajjite huxidhanni uulla ofoltanno. Atera iillino qarra heddanni lowo geeshsha masse huxidhanno.

HIZIQEELI 26:16 ပူးပေါင်းရင်းမြစ်များ

IYYOOBI 8:22

Gibbannoheri saala uddidhanno; cubbaataammu dukkani higiwa hoonganni» yii.

FAARSO 109:18

Isi rumo imaanimma uddi'ro; umisi rumo baala manninatesi wayimma shanshito; buuru gede daadde miqichoho e'osi.

FAARSO 109:29

Diinna'ya shollinye imaanimma uddidho; saalano aanaho ga'nito.

FAARSO 132:18

Diinnasi saala uddidhanno gede asseemmo; isi gashshooti kayinni jironnihanna qawaaxxonniha ikkanno.

FAARSO 35:26

Qarrame hee'reenna hagiidhitannori saalfatto; mitteenni ti'maa'mito; ane aana boo'nitannori saalanna shollinye uddidho.

FULO 15:15

Edoomi roorrooti massu; Moaabi wolqaataammi huxidhu; Kana"aanootu daaqqu.

ISAYAASI 3:26

Yerusaalamete Katama e'nanni waalchuwara raarenna wi'la macciishshinanni. Katamuno mulla heedhe manchitte ofoltino mancho gedeeha ikkanno.

ISAYAASI 41:5

«Giddichuwate heedhanno gosa, ani assoommore baala affe, lowo geeshsha masse huxidhino; mitteenni gamba yite anewa daggino.

ISAYAASI 47:1

Kaaliiqi qole, «Ati seyante egenninoonnihekkiti Baabilooni seemo, ayirrinyu barcimikki aaninni dirrite, bukote aana ofolli; kunni ka'a xummekkinna biinfillikki dihee'ranno.

ISAYAASI 52:2

Qafadamoottati Yerusaalame, ka'e buko giggishshi'ri; ayirrinyu barcimira ofolli; ki'ne Tsiyooninni qafadantinoonniri, usurroonni'ne cagaage goowunni fushshitine tugge!

ERMIYAASI 48:39

Moaabi gosa hiiqqantino! Saalfatte alba shawwu yitino gara la'e! Afihu baalu qacifatannore ikkitanno. Konne coye coyi'roommohu ani Kaaliiqaati» yii.

ERMIYAASI QURTO 2:10

Yerusaalamete geerri xiddu uddano uddidhe, umoho buluulo giggishshidhe, sammi yite bukote aana ofoltanno. Yerusaalamete seennino haxo heeshshi yee uulla la"anno.

HIZIQEELI 16:10

Biifado imaana uddisiisoommohe; danchu goginni seekkinoonni koatte woroommohe. Biifado shaashe umikkira usuroommohe; haarrete kaabbano uddisiisoommohe.

HIZIQEELI 26:21

Mannu ate lae jiilanno gede asseemmo; hakkiichi gawalo ikkannohe. Mannuno hase hoogannohe; konne coye coyi'roommohu ani Mootichu Kaaliiqaati» yii.

HIZIQEELI 28:17

Danikki xummenni kainohunni naaxxootto; maccaha ikkakki gowwa assitinohe. Kunninni kainohunni woro qole wigidiidoommohe; wole mootoollano atenni jiiltanno gede assoommo.

HIZIQEELI 31:15

Mootichu Kaaliiqi, «Hatti haqqicho murante jeennaate dirritanno yannara, baattote giddo hadhanno wayibba hindiiddote gede aanaseenni lolakkanno gede asseemmo. Wayibba lolakkannokki gede, bu'ano fultannokki gede asseemmo. Hatti haqqicho mooltanno daafira, Libaanoosi Ilaallara tunsicho uddisiiseemmo; dubbu haqqe baala mooltanno gede asseemmo.

HIZIQEELI 32:10

Ani ate aana asseemmo coyi, lowo daga masise huxisannoha ikkanno; bise'ya milli asseemmo yannara mootoolla waajjite huxidhanno; ati uwatto barra, baalunku uminsa lubbora waajjite qece yitanno› yiino yite kulisi» yiie.

HIZIQEELI 7:27

Mootenna gashshaanonsa baala hexxo ba'eennansa wi'litanno; mannuno waajje huxi'ranno. Loossino loosi baalaho qorichisheemmonsa; wolootaho yitino garinni yoo yeemmonsa. Kunino ani Kaaliiqa ikkoommota leellishannonsa» yii.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

DAANIEELI 5:6

Hakkawoyintenni mootete albi kolossi yii. Masillu batinyinni kainohunni lekka qece qece yitusi; wolqano waa ikkitusi.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

YOONAASI 3:6

Nennewe moote konne coye macciishshe, ayirradu barcimisi aaninni dirre, mootimmate uddanosi fushshe xiddu uddano uddi're buluulu aana ofolli.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

YOHAANNIS AJUUJA 18:9

Ise ledo foortannorinna la'ma heeshsho heedhinori baattote aani mootoolla, ise giirantanna fultanno wiliile la'anno woyite raarte wi'litanno.