HIZIQEELI 26:10 - Qullaawa Maxaafa

¹⁰ Faradinsa kayisanno buko, gomichu gede ikkite guggushshitannohe. Faradi gaarensanna faradinsa eanno woyite, dhoohinohu kinchu huxxi shashshafamanno.

HIZIQEELI 26:10 ပူးပေါင်းရင်းမြစ်များ

ERMIYAASI 39:3

Yerusaalame amadantuhu gedensaanni, Nabukadanatsoori roorrooti: Nergali-Sharetseri, Samigari, Nebo-Sarsekiimi Rabisarisi, qaru roorrichi Nergali-Sharetserinna wolootuno no.

ERMIYAASI 4:13

«La'e kuneeti diinu olanto, gomichu gede ikkite tunsiisse dagganni no; olunniti faradu gaarensano hombobolattetenni roore rakkannote; faraduno risu gede buuwannoho. «Ki'ne hatte yannara, ‹Bayisibao ba'nummo› yitinanni.

ERMIYAASI 47:3

Gulunfanni faradi hirbi, lami-qalete luulinna, faradi gaarete gugatto masisseenna wolqansa ba'ino daafira, annuwa oosonsa nafa caaqqi yite dila'anno.

HIZIQEELI 23:24

Insano lowo faradi gaare olunnitenninna sinqe hogomboonni gaarenni dukkisantinota jawa olanto adhite dagge, aliyye ragaanni bala tuggannohe. Wonqotenninna umoho wodhinanni gullee siwiilunnitenni gargadhitanni doyissite amaddannohe. Anino insara sayise eemmohe; insano seerinsa garinni yoo yitannohe.

HIZIQEELI 26:15

Mootichu Kaaliiqi Xiroosi katamira, «Horramatto yannara, baaru qaccera hee'ranno manni bisetenni gorramanno manni raare macciishshe waajje huxi'ranno.

HIZIQEELI 26:7

Mootichu Kaaliiqi, «Xiroosira bala tuganno gede, mootoollate moote ikkinoha Baabilooni moote Nabukadanatsoori aliyyenni haa're abbeemmo. Isino, jawaata olanto ledo lowo faradinni, faradi gaaretenninna faradaasinetenni dukkisame daanno.

HIZIQEELI 26:9

Kinchu huxxakki, diinganni meenchinni gananno; hakko meenchinni qiishokki dhoosanno.

HIZIQEELI 27:28

Markabbate giddo noore baaru egemmanna raartu yannara, baaru gama noo manni macciishshino.

IYYAASU 6:20

Kunnira, qeesootu xurumbuwa ufuuffu. Olantono hakkonne luulo macciishshitu yannara, lowo qoonqonni roqonsitanna, katamu huxxi diigami. Hakkunni gedensaanni, olanto noo darginni mitteenni ale higge marte katama e'e amaddu.

IYYAASU 6:5

Hakkunni gedensaanni, qeesootu buudu xurumbinni naggi yiino luulo macciishshinanni gede assitona. Konne macciishshitinanni heedhineenna, hakkawoyintenni mannu baalunku naggi yitino qoonqonni roqonsona. Hakkunni gedensaanni, katamu huxxino diigamanno; hoodete wo'manti olanto ca'u yite katamu giddora e'ona» yii.