HIZIQEELI 25:7 - Qullaawa Maxaafa

⁷ Konne assa'nenni, saantannoriranna mulqidhanno dagara sayise eemmo'ne. Layinkimeeshsho manna ikkitinannikki gede woy umi'ne baatto heedhanno'nekki gede asse huneemmo'ne. Hatte yannarano, ani Kaaliiqa ikkoommota affinanni» yee coyi'rie.

HIZIQEELI 25:7 ပူးပေါင်းရင်းမြစ်များ

ISAYAASI 33:4

Jajjansa baala hunte xooqqeenna, mannu kanchafaru gede saamanno.

ERMIYAASI 49:2

Ani Kaaliiqi yeemmota macciishshe: Kune Amooni gosa dannawu Katamira Raaba, olu luulo macciishshitanno gede asseemmo yanna dagganno. Katamu diigameenna gaangaawinsara noo qachi giiramanno; hakkunni gedensaanni Israeele adhantinota baattonsa qo'litanno.

ERMIYAASI QURTO 1:14

Loosoommo cubbo baala gamba asse usure, haxo'yara qambaru gede asse worino; duhuno ayirreennae daafuroommo. Kaaliiqi, gargadha dandeemmokkihura, diini'yara sayise uyinoe.

HIZIQEELI 14:9

«Mittu himanaanchi dogame kapho himanannoha ikkiro, kapho himananno gede assoommohu ani Kaaliiqaati. Ikkirono, giwe manni'ya mereerinni iso fushshe huneemmo.

HIZIQEELI 21:31

Hanqi'ya wolqa bubbanno giira gede aana'ne dirritanno; shaa rossinorira kaajjaddaho sayise eemmo'ne.

HIZIQEELI 21:32

Giira guddanno'ne; mundee'ne umi'ne gobbara du'nantanno; layinkimeeshsho qaaganno'nehu dihee'ranno. Konne coye coyi'roommohu ani Mootichu Kaaliiqaati› yiino yite kulinsa» yiie.

HIZIQEELI 25:10

Kunni ka'a, Moaabi gashshootino hee'rannokki gede, Amooni ledo mitteenni soojjaati gosa dagge amaddannosi gede asseemmo.

HIZIQEELI 25:13

Kunnira, xa Edoomi qorichisheemmotanna hakkiicho noo mannanna saada baala gudeemmota egensiiseemmo. Temaani kataminni kayise Dedaani katami geeshsha noo gobba mullicho asseemmo; mannano bagadu gudanno.

HIZIQEELI 25:16

Kunnira, Filisxeemoota qorichisheemmotanna baattote aaninni huneemmota leellisheemmo; Filisxeemootu xawira gattinore baala gudeemmo.

HIZIQEELI 26:5

Hattenne kinna, baaru giddo qulxu'me amaddannori woshshaadonsa haqqitannowa asseemmo; ani Mootichu Kaaliiqi coyi'roommona, daga Xiroosi saantanno.

HIZIQEELI 35:3

Ani Kaaliiqi yeemmore baala, « ‹Edoomi Ilaala, kuneeti ani atera diinoomunni kaeemmohe; mullicho ona baatto asseemmohe.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

SOFFOONIYAASI 1:4

«Yerusaalametenna Yihudu manna baala qorichisheemmo. Hakkonne dargano Ba"aali yinanniha kaphu magano maganisidhannore, gattinorenna qeesootano co'o asse huneemmo.