HIZIQEELI 25:13 - Qullaawa Maxaafa

¹³ Kunnira, xa Edoomi qorichisheemmotanna hakkiicho noo mannanna saada baala gudeemmota egensiiseemmo. Temaani kataminni kayise Dedaani katami geeshsha noo gobba mullicho asseemmo; mannano bagadu gudanno.

HIZIQEELI 25:13 ပူးပေါင်းရင်းမြစ်များ

KALAQAMA 36:11

Elfaazi ooso Temaani, Omaari, Tsefo, Gaitaamiitinna Qenaaziiti.

KALAQAMA 36:34

Yobaabino reenna, isi darga Temaani gobbahu Hushaami moohi.

KALAQAMA 6:7

Kaaliiqi, «Kalaqoommonsahura gaabboommona konne manna, saada, godowunni ha'ranno kalaqamanna cea baattote aaninni huneemmo» yii.

FAARSO 138:7

Qarru gaangeessannoe woyite, lubbotenni worattoe; aarunni ka'inoe diinna gante, wolqakkinni gatisattoe.

ERMIYAASI 25:23

Dedaani, Teemanna Buuzi Katamira umo haransidhe mudhitanno gosa mootoolla,

ERMIYAASI 49:13

‹Bootsira Katami diigame mulla darga, masillunniha, qacifantannihanna rumonniha ikkanno› yee ani su'mi'yanni xaaroommo. Qooxeessisira noo katamma baalano diigante gattanno» yii.

ERMIYAASI 49:20

Kunnira, ani Kaaliiqi Edoomi manniranna Temaani Katamira heedhannorira hedoommore macciishshe; ooso'ne nafa goshoonshe haa'ne ha'nanni; la"annohu baalu bararraaqanno.

ERMIYAASI 7:20

Kunnira ani Mootichu Kaaliiqi, xa hanqo'yanna aara'ya konniicho mannunna saadate aana, dubbu haqqenna laalchu baalu aana duneemmo. Hanqi'ya xoyissine anfannikkiha ikkanno.

HIZIQEELI 14:13

«Koo manchi beetto, mitte gobba manni cubbo loosironna ammanamannokkiha ikkiro, anga'ya diriirse sagale baala huneemmo. Hude soye mannunna saada mitteenni gooffanno gede asseemmo.

HIZIQEELI 14:17

«Woy hatte gobbara ola kayisummoro, mannanna saada gudanno bagadinni co'o yite ba'anno gede asseemmo.

HIZIQEELI 14:8

Ani umi'ya insa giwatenni wolootaho bangagooshshe ikkanno gede asseemmo. Mannu ani Kaaliiqa ikkoommota afanno gede, manni'ya mereerinni insa huneemmo.

HIZIQEELI 25:16

Kunnira, Filisxeemoota qorichisheemmotanna baattote aaninni huneemmota leellisheemmo; Filisxeemootu xawira gattinore baala gudeemmo.

HIZIQEELI 25:7

Konne assa'nenni, saantannoriranna mulqidhanno dagara sayise eemmo'ne. Layinkimeeshsho manna ikkitinannikki gede woy umi'ne baatto heedhanno'nekki gede asse huneemmo'ne. Hatte yannarano, ani Kaaliiqa ikkoommota affinanni» yee coyi'rie.

HIZIQEELI 27:15

Rodeesi gobba manni ledo dadda'lootto. Baaru gama hee'ranno manni uduunnekki adhe, ilkanna kolishsho kaajjado haqqa abbinohe.

HIZIQEELI 27:20

Dedaani manni uduunnekki kooru uddanonni soorri'rino.

HIZIQEELI 29:8

Kunnira, Ani Mootichu Kaaliiqi, bala tuggannohe bagadaano soyemmo. Insano mannakkinna saadakki baala guddanno.

HIZIQEELI 32:29

«Edoomi, mootoollasinna gashshaanosi ledo hakkiicho hee'ranno. Insa kunni albaanni jawaata olantooti. Xa kayinni, olunni shinoonnihu Maganiweelu manni ledo jeennaateho goxxe no.

HIZIQEELI 35:3

Ani Kaaliiqi yeemmore baala, « ‹Edoomi Ilaala, kuneeti ani atera diinoomunni kaeemmohe; mullicho ona baatto asseemmohe.

HIZIQEELI 35:9

Hegerera mullicho darga asseemmohe; layinkimeeshsho katammakkira mittuno dihee'ranno. Hatte yannara ani Kaaliiqa ikkoommota afatto.

HIZIQEELI 38:13

Saabanna Dedaani gosa, Terseesi daddalaasine ledo ate garooti. Insano, olantokki Israeeletenni adhitanno birranna culka, saadanna wole jajja beeqqitara hasidhanno» yii.

AMOOTSI 1:12

Kunnira Temaani Katamira giira qaseemmo; Bootsiraani qiishono giireemmo» yii.

ABIDIYU 1:9

Temaani bareeddano waajjite huxidhanno. Edoomi noo manna baalanka shinanni» yii.

IMBAAQOOMI 3:3

Maganu Teemaaninni daanno; Qullaawu Maganino Faaraani Ilaalinni daanno; ayirrinyisi gordo guggushshino; galatisi baatto wo'mino.