HIZIQEELI 25:12 - Qullaawa Maxaafa

¹² Mootichu Kaaliiqi, «Edoomi manni Yihuda mararro nookkiha rabbisino daafira, lowo sao assino.

HIZIQEELI 25:12 ပူးပေါင်းရင်းမြစ်များ

FAARSO 137:7

Kaaliiqa ballo, Yerusaalame amadantu yannara, Edoomootu assitueta hedi; «Diiggine uullate gannensa!» yitanni cancituta qaagi.

ISAYAASI 21:11

Edoomi daafira kulloonni sokka aante noote: Mittu manchi Edoomi widoonni hee're, «Qotaancho! Hashshu soodara mageeshshi yanna gattu ikka? Soodara dirahino?» yee xa'manno.

ISAYAASI 34:5

Kaaliiqi bise gordoho qixxeessineenna dirrite, ba'ara hedinota Edoomi gosa guddanno.

ISAYAASI 63:1

Kuni Edoomi gobbanni Bootsira Kataminni, duumo imaana uddi're daannohu ayeti? Wolqatenni wo'me, ayirrado imaana uddi're qa'naafanni noohu ayeti? Taalo yoo yeemmohu, gatisate wolqa nooehu ani Kaaliiqaati.

HIZIQEELI 25:11

Ani Moaabi qorichisheemmo; insano ani Kaaliiqa ikkoommota affanno» yii.

HIZIQEELI 25:15

Mootichu Kaaliiqi, «Filisxeemootu lowo dirinni diina ikkitinonsare Yihudoota jaddotenni rabbisidhino; Yihudano diinoomunni gudate hasidhino.

HIZIQEELI 25:8

Mootichu Kaaliiqi, «Moaabinna Edoomi, ‹Yihudu wole gosa gedeeho› yitinona,

HIZIQEELI 32:29

«Edoomi, mootoollasinna gashshaanosi ledo hakkiicho hee'ranno. Insa kunni albaanni jawaata olantooti. Xa kayinni, olunni shinoonnihu Maganiweelu manni ledo jeennaateho goxxe no.

HIZIQEELI 36:5

«Ani Mootichu Kaaliiqi qooxeessi'nera noo daga, roorenka Edoomira hanqunni fooggale coyi'roommo. Wodaninni kaino hagiirrinninna mishatenni ka'e, baatto'ya adhite saada hossannowa baala amaddino.

ABIDIYU 1:1

Mootichu Kaaliiqi Edoomi daafira Abidiyu widoonni qole coyi'rino coyi kunninni aane nooho. Kaaliiqi sokkaanchosi daganniwa soye, «Edoomi qasate fuleemmo daafira, baalunku qixxaabbe!» yitanno sokka ninkeno macciishshinoommo.