HIZIQEELI 24:3 - Qullaawa Maxaafa

³ Ani Mootichu Kaaliiqi insara kuloommota tenne masalo haxawarru manni'yara, « ‹Siwiilu dissite booso worte waa wonshi.

HIZIQEELI 24:3 ပူးပေါင်းရင်းမြစ်များ

LAYINKI MOOTOOLLA 4:38

Gobbate hude ubbe heedheenna mitto barra Elsai galagale Galgala higi. Himanaanote ledo songe hee're soqqamaanchosi, «Lowo midaano haadhe kunni mannira sagale booso worinsa!» yiisi.

FAARSO 78:2

Coye'ya maammaashshunni hanafeemmo; hundinni kayise maaxamino coye xawiseemmo.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 29:2

Mitto barra kayinni ani Kaaliiqi, «Kaaliiqi Kakkalo Dargaati» yinanni Katama shetiseemmo. Hakkiichi dadillunna wi'late darga ikkanno; katamuno mundee aanaho lolaansoonni dargi kakkalonnihu gedeeha ikkanno.

ISAYAASI 30:1

Kaaliiqi, «Haxawarra oosora aanne'e! Ane doogo agurte uminsa doogo hadhanno. Ane hedora gobbaanni gondooro e'anni, cubbu aana cubbo lexxitanno.

ISAYAASI 30:9

Insa wo'manka woyite kaphitanni Kaaliiqira badhe wodhite hexxinannikkire ikkitino.

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ERMIYAASI 1:13

Layinkimeeshshono Kaaliiqi, «Wolu la'anni noottori maati?» yee xa'mie. Anino, «Aliyye widoonni hufanni nooha mitto gambayicho la"anni noommo. Isino Yihudu widira hige haawee no» yee dawaroommosi.

ERMIYAASI 1:14

Kaaliiqino, «Aliyye raginni bao fulte tenne baattora hee'rannohu baalu aana dirritanno.

HIZIQEELI 11:11

Bushshu midaano giddose noo maala giiratenni gatissannohu gede asse, kuni katami ki'ne digatisanno'ne. Israeelete baattora hiikkono martine digattinanni.

HIZIQEELI 11:3

Qoleno, ‹Galagalle minna mi'nineemmo yanna muleeti; katamu maala ganfanni midaano gede ikkanna ninke qolle midaanote giddo noo maala ikkinoommo. Ikkirono, woliri hoogirono tini midaano giiratenni goltinonke› yitanno.

HIZIQEELI 11:7

«Kunnira, ani Mootichu Kaaliiqi yeemmo'nehu konneeti: Kuni katami halaalenka maala ganfanni midaano gedeeho; hatto ikkina, ganfanni maali maatiyya? Ki'ne shitinoonni manni reeshsha di"ikkino? Ki'neno heedhinannikki gede kunni kataminni fushshe tugeemmo'ne.

HIZIQEELI 12:2

«Koo manchi beetto, ati hee'rattohu haxawarru manni mereerooti. Insa haxawarroota ikkansanni kainohunni ille heedheennansanni dila'anno; macca heedheennansanni dimacciishshitanno.

HIZIQEELI 12:25

Ani Mootichu Kaaliiqi hedoommore coyi'reemmo; coyi'reemmo qaali baalunku wo'manno. Kunni ka'a horonta dikeeshshanno; ki'ne haxawarrootu aana, abbeemmo yee qorophisiisoommore baala yanna'nera wo'manno gede asseemmo. Konne coye coyi'roommohu ani Mootichu Kaaliiqaati» yiie.

HIZIQEELI 17:12

«Lawishshu tiro affinoro, hanni kuri haxawarroota Israeele xa'mi. Baabilooni moote Yerusaalame daye, mootenna ledosi gashshaano Baabilooni haa're ha'rinonsata kulinsa.

HIZIQEELI 17:2

«Koo manchi beetto, Israeelootaho masalsite kulinsa.

HIZIQEELI 2:2

Isi coyi'ranni hee'reennaenni, Ayyaanisi giddo'yara e"e lekka'yanni uurrisie. Qoleno,

HIZIQEELI 2:3

«Koo manchi beetto, kuneeti Israeelete manniwa soyammoheraati. Insa xaa geeshsha Akaakkansa gede haxawarrootanna anewa higgannokkire ikkite no.

HIZIQEELI 2:5

Hakko haxawarrooti macciishshituherono macciishsha gibbuherono, giddonsa himanaanchu noota affanno.

HIZIQEELI 2:6

«Kayinnilla koo mancho, haxawarroota ikkiturono, insa coyidhanno coyeno waajjitooti! Haxawarroota ikkitinohura utu, kokko'lunna iddu gede ikkite waajjishshuhero nafa horonta waajjitootinsa.

HIZIQEELI 2:8

«Koo manchi beetto, ani kuleemmohere macciishshi. Atino insa gede haxawarra ikkitooti; afookki fa'nite, eemmohere iti» yiie.

HIZIQEELI 20:49

Ani kayinni, «Mooticha Kaaliiqa, ane konne coye assi yitootie! Mannu baalunku, ‹Hakku manchi maammaashsha callaho› yaanni gungumannoe» yoommo.

HIZIQEELI 24:6

Mootichu Kaaliiqi, «Manna shitannori katamira aanne'e! Kuni katami, xillu aaninni ka"annokki dissite gedeeho; giddo noo maala shiimuno gatikkinni gudinse haa'nanni.

HIZIQEELI 3:9

Ate dhinqu kinchinna kaajjadu siwiili gedeeha asseemmohe. Kunnira, hakko haxawarroota waajjitooti» yiie.

MIKIYAASI 2:4

Kuni duuchu ikkanno yannara mannu ki'nere maammaahanni qacifatanno'ne. Ki'ne aana iillino qarrira, « ‹Ninke wo'munku horontanni ba'noommo. Maganu baattonke adhe, hajajantannokkirira beehino› yitanni wi'lishshitanno» yaanno.

MAARQOOSI 12:12

Ayihudete roorrooti Yesuusi maammaahino maammaashshi kisannonsata affe, iso amaddara yorte manna waajjitino daafira agurte hadhu.

LUQAASI 8:10

Yesuusi daware, «Ki'nera go'linoha Maganu gashshooti coye afate hayyo uyinoonni'ne. Gobbaanni noorira kayinni la'anni heedhe buuxxannokki gede, macciishshitanni heedhe wodanchitannokki gede masalsatenni kullanninsa» yiinsa.

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.