HIZIQEELI 24:17 - Qullaawa Maxaafa

¹⁷ Mannu afannohe gede ikkite heqqifatte wi'litooti; dadillekki leellishate mullu uminni woy mulla lekkanni hadhooti. Umono heeshshi yitooti; waakkisono ittooti» yiie.

HIZIQEELI 24:17 ပူးပေါင်းရင်းမြစ်များ

LAYINKI SAAMUEELI 15:30

Daawitino dadille umo guggu'le wi'lanni mulla lekkanni Ejedhete Ilaala gooddi'ri. Ledosi noo manni baaluno umo guggu'le wi'lanni hoodesi fuli.

FAARSO 37:7

Cincite Kaaliiqi assannore agadhi; wolootu duroo'mituro, bunshe assitannorira qiniinsaro giirantooti.

FAARSO 39:9

Konne baala assoottohu ateetina, afoo'ya beeshshi're sammi yeemmo.

FAARSO 46:10

Fooliishshidhe; ani Magano ikkoommotano egenne! Dagate mereeronna baattote aana ayirreemmo.

ISAYAASI 20:2

Kaaliiqi Amootsi beetto Isayaasi, «Koattenna xiddunnita uddanokki fushshite mulla lekkanni ha'ri» yee hajajisi. Isayaasino yiinosi gede ikki.

ERMIYAASI 13:18

Kaaliiqi mootetenna mootete amara, «Ayirrinyi'ne ba'latto umi'ne aaninni ubbinona, ayirradu barciminsa aaninni dirritanno gede kulinsa.

HIZIQEELI 24:18

Soodo guto mannu ledo hasaawummo; hatte hawarronni galte'ya reyitu. Layinki soodo hatto Kaaliiqi kulie gede ikkoommo.

HIZIQEELI 44:18

Hunkiishshannonsata hoo'late shaalado xaanxanni koffiya wodhitona; shaalado luko hiito nookkiha qodhitona.

HOOSEI 9:4

Hakkiichono Kaaliiqira woyinete xajje shiqishate woy kakka'late didandiitanno. Tini kakkalote sagale wi'late qaera intannite gedeete; tenne sagale itannohu baalu lagaawanno. Insa hude hoo'late ittannote ikkinnina, Qullaawu Minira shiqinshannita di"ikkitino.

LEEWAAWOOTA 10:6

Muse Aarooniranna oososira Aliaazaariranna Itaamaarira, «Dadillitinoonnita leellishate, umo'ne meexxitinoonte; uddano'neno dartinoonte; hatto assitiniro, ki'neno reyitinanni; Kaaliiqino manna baalaho hanqanno. Kaaliiqiwiinni daggino giira itte shitinorira, fiixi'ne Israeele wi'la dandiitanno.

LEEWAAWOOTA 13:45

«Togooha taraawanno dhibba afi'rino manchi, daddadhamino imaana uddi'rona; umono fixxi'roonke; sanonna afoo dhiphe, ani lagaawoommohona shiqqi yitinoonte, yaanni lallawona.

LEEWAAWOOTA 21:10

« ‹Roduuwisiwiinni bande zayite dunnoonnisihunna qeesimmate uddano uddi'ranno gede buurroonnihu qeesootu roorrichi shii'rinota leellishate dananchosi meexxoonke; woy uddanosi dadhoonke.

AMOOTSI 8:3

Hakko barra, Qullaawu Mini faarso wi'late soorrantanno. Lowo manni reeshshi base baalate uwe leellanno; wi'linikkinni sammi yine base baalate tunge agurranni» yii.

MIKIYAASI 3:7

Ajuuja la'annorinna himana coyidhanno kaphaasine baala qinaannonsakki daafira irraabbanno. Maganuno dawaro qolannonsakki daafira waajjite anga umoho wodhite hadhanno.

IMBAAQOOMI 2:20

Kaaliiqi kayinni Qullaawu Minisi giddo no. Kunnira mannu baalu isi albaanni sammi yoo.

MAATEWOOSI 9:23

Hakkunni gedensaanni Yesuusi Iyairoosi minira iille, xurumba ufuuffannorenna raataabbanni wi'litannore lai.