HIZIQEELI 24:14 - Qullaawa Maxaafa

¹⁴ Ani looseemmo yanna kuneeti daggino; cubbokki lashshi asse dilaeemmo. Mararummokkinni assootta bunshe baalate qorichisheemmohe. Konne coye coyi'roommohu ani Mootichu Kaaliiqaati» yii.

HIZIQEELI 24:14 ပူးပေါင်းရင်းမြစ်များ

IYYOOBI 27:22

Buuwe xooqe fulara wo'naa'liro nafa, mararro nookkiha dagge aanaho ubbannosi.

FAARSO 33:9

Isi coyi'reenna kalqe kalaqantino; isi hajajeenna baalunkuri xawo fulino.

ISAYAASI 3:11

Sao assitannori kayinni wolootu aana assitino sao daafira malinonsa qoricha adhitannona insara aanne'e!

ISAYAASI 55:11

afii'yanni fulanno qaalino, hedoommo coyenna, soommo sokka wonshikkinni, mulla galagale anewa dihiganno.

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

ERMIYAASI 23:20

Hedoommore wonshammo geeshsha, hanqi'ya dihiganno; ki'neno mitto barra konne coye buuxxinanni.

ERMIYAASI 4:18

Yihudu manna, kuni baalunku coyi ikkinohu bushu loosi'nenna busha ha'rinsho'nenni kainohunniiti. Cubbi'ne tenne qaraaro abbino'ne; bisi'ne giddora e"e wodana madiissino'ne.

HIZIQEELI 16:43

Anjekki yannara assoommohere baala hawootta; kunni assootta coyi baalunni hanqisoottae. Kunnira, anino battennihu cubbikki deerrinni qorichisheemmohe. Tiyyi'nanni coyi assoottahu baalu aana, foorre mayira leditta? Konne coye coyi'reemmohu ani Mootichu Kaaliiqaati» yii.

HIZIQEELI 17:24

Baattote aana noo haqqe baala, ani Kaaliiqa ikkoommota affanno. Ani seeddaanna haqqe murmure, harammaadda haqqe ale higge lophitanno gede asseemmo. Ani lattino haqqe mooshsheemmo; mooltino haqqeno latiseemmo. Ani Kaaliiqi konne coye coyi'roommo; asseemmo yoommoreno wonsheemmo» yii.

HIZIQEELI 18:30

«Xaano Ani Mootichu Kaaliiqi ki'ne Israeelete yeemmo'nehu konneeti: Mitto mitto'ne assooti'ne garinni qorichisheemmo. Kunnira, assitinanni bunshewiinni higge; cubbi'nenni kainohunni umo'ne huntinoonte.

HIZIQEELI 22:31

Kunnira, hanqo'ya insa aana dirriseemmo; assitino bunshe baalantenni kainohunni, insa aari'ya giiranni huneemmo. Konne coye coyi'roommohu ani Mootichu Kaaliiqaati» yii.

HIZIQEELI 23:24

Insano lowo faradi gaare olunnitenninna sinqe hogomboonni gaarenni dukkisantinota jawa olanto adhite dagge, aliyye ragaanni bala tuggannohe. Wonqotenninna umoho wodhinanni gullee siwiilunnitenni gargadhitanni doyissite amaddannohe. Anino insara sayise eemmohe; insano seerinsa garinni yoo yitannohe.

HIZIQEELI 23:29

Ate gibbanno daafira, loosi'roottaha baala adhitanno. Imaanakki mulqite foortanno mancho assinannihu gede, teedakki reqecci assitanno. Yortokkinna kassi yaa hoogakki,

HIZIQEELI 24:15

Kaaliiqi,

HIZIQEELI 30:9

«Hakku barri iilleenna Gibitse ba'anno yannara, fafisi're keere hee'rannoha Itiyophiyu manna olunni waajjishiishshanno soqqamaano, markaawetenni soyemmo. Mannuno waajje huxi'ranno; hakku barrino mule no!»

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

HIZIQEELI 5:11

«Kunnira, heeshshote Magano ikka'yanni ani Mootichu Kaaliiqi yeemmohu konneeti. Bunshenna batte wo'mitino coye baala assatenni, Qullaawa Mine'ya batteessitinoonni daafira, anino mararro nookkiha badhe wodhe giweemmo'ne.

HIZIQEELI 7:3

« ‹Israeele, kuneeti goofimarchi'ne iillino; assitinoonni sao baalate yoo yaammo'nera hanqi'ya aana'ne dirranno. Assitinoonnihu shagaggi'nanni coye ikkino daafira, ki'nera malino qoricha adhitinanni.

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

HIZIQEELI 7:9

Horonta dimarareemmo'ne; digatiseemmo'ne. Loossinoonni loosi saalsiisannohunni kainohunni, qorichunni digattinanni. Hatte yannara, ani Kaaliiqa ikkoommotanna qorichisheemmo'nehuno ane ikkoommota affinanni.

HIZIQEELI 8:18

Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HIZIQEELI 9:10

Kunni daafira, dimarareemmonsa; digatiseemmonsa. Insa wolootu aana assitinore baala, qole insa aana abbeemmo» yee dawarie.

ZAKKAARIYAASI 8:14

Olantote Mootichi Kaaliiqi, «Akaakka'ne hanqissue yannara, insara hedoommo bao abboommo ikkinnina, murte'ya diaguroommo.

KIIRO 11:23

Kaaliiqino, «Halaalinta ane Kaaliiqi wolqa hanqatateni? Yoommo coyi ikkannotanna hoogannota afattona agari» yiisi.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 24:35

Gordunna baatto sa'anno; qaali'ya kayinni disa"anno» yii.

UMI SAAMUEELI 15:29

Ayirradu Israeelete Magani dikaphanno; yiinoreno disoorranno. Yiinore soorrate isi mannu gedeeha di"ikkino» yiisi.