HIZIQEELI 24:13 - Qullaawa Maxaafa

¹³ Yerusaalame! Foorrekki batteessitinohe; ani keereensammohera hasi're hee'reennanni, ati kayinni keeraa'ma giwootta. Wolqa'ya leellishammohe geeshsha horonta dikeeraa'matta.

HIZIQEELI 24:13 ပူးပေါင်းရင်းမြစ်များ

ISAYAASI 22:14

Olantote Mootichi Kaaliiqi, «Lubbotenni noo geeshsha tini saonsa digurantanno. Konne coye coyi'roommohu ani Olantote Mootichi Kaaliiqaati» yee kulie.

ERMIYAASI 13:27

Ani giweemmo coye assoottata afoommo. Manni galte dooyyanno manchinna iyyanno wodali gede, ilaallatenna gattate dagate maganna hoode ha'roottata afoommo. Yerusaalame atera aanne'e! Ati mamaro keeraa'matta ikka?

ERMIYAASI 31:18

«Efireemi, ‹Kaaliiqa! Ninke leenjinshoonnikki booti gedeereeti; ati kayinni hajajammeemmo gede seejjoottonke. Ati Kaaliiqi Maganonke ikkootto daafira, atewa qolinke, ninkeno hingeemmona.

ERMIYAASI QURTO 1:9

Battaawase reqecci yite leeltino; ise kayinni daannose coyi daafira, bashshi nafa diassitino. Uwase jaddote; sheshifachishinosehu mittuno dino. Diinna qeeltinoena, Kaaliiqa qarra'ya lai!

ERMIYAASI QURTO 5:22

Woy horontanni giwoottonkeni? Hanqikkirano gawalo dinoni?

HIZIQEELI 16:42

Hakkunni gedensaanni, hanqi'ya qiideenna sammi yeemmo; hakkunni ka'a hanqe diaarameemmo.

HIZIQEELI 22:24

«Koo manchi beetto, baattonsa battaabbinohura, hanqi'yanni xeena ho'le qorichishammonsara kaoommota Israeelete kulinsa.

HIZIQEELI 24:11

Camotenni seekkinoonnita mullicho siwiilu dissite, duu'mita geeshsha maashshi yiino kashili aana wori; kunni garinni xillu aaninni kae ho'leenna keeraa'mitanno.

HIZIQEELI 5:12

Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

HIZIQEELI 5:13

«Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

HIZIQEELI 8:18

Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HOOSEI 7:1

«Israeele hursatenna galagalche duroo'mitanno gede assate hasi'reemmo yannara cubbinsanna saonsa xabbe leeltanno. Insa insanaawa kapho coyidhanno; mine unte moortanno. Garo kalaqidhe dooggate manna mulqidhanno.

LEEWAAWOOTA 13:55

Kuni dhibbi kisino imaana hayishshinihu gedensaanni, qeesichu galagale laeenna, dhibbu hala'linokkiha ikkiro nafa, danu soorrama hoogiro lagaawinoho. Dhibbu giddoono ikko gobbaano hee'riro, imaana giirrona.

LEEWAAWOOTA 14:43

Amadantino kinna hoolle haaro worrihu gedensaanni, xaano kunni dhibbi malaati leelliha ikkironna,

SOFFOONIYAASI 3:2

Kuni katami yinoonnita dimacciishshanno; seejjo diadhanno. Kaaliiqa hexxa agurino; kaa'lannosi gedeno isiwa dishiqino.

SOFFOONIYAASI 3:7

Ani konne baala coye asseenna, ‹Manni'ya ayirrisannoe; seejjo'yano macciishshanno; assoommo galata baala dihawanno› yee hedoommo. Manni'ya kayinni bunshete aana bunshe ledino; bushu loosinnino battaawino» yii.

ZAKKAARIYAASI 6:8

Hakkunni gedensaanni sokkaasinchu, «Aliyyera hige ha'ri faradi, Maganu Ayyaani asse yiinore assino» yee naggi yitino qoonqonni coyi'rie.

LAYINKI QORONTOOSI 7:1

Kunnira baxillaasine'ya, tini hexxo heedhunke woyite, Magano waajjatenni co'onta qullaawoota ikkine manninatenna ayyaana batteessannori baaluwiinni umonke keereensi'no.

YOHAANNIS AJUUJA 22:11

Bunshe assannohu bunshesi assolla; batte loosannohuno battaawolla; dancha loosannohuno loosolla; qullaawuno qullaawa ikke hee'rolla» yii.