HIZIQEELI 23:45 - Qullaawa Maxaafa

⁴⁵ Fooranna manna shaa rosinohura, keeraano fooransaranna manna shaansa daafira yoo yitannonsa» yii.

HIZIQEELI 23:45 ပူးပေါင်းရင်းမြစ်များ

LAYINKI MOOTOOLLA 21:16

Minaase Yihudu manni cubbo loose Kaaliiqa dadillisanno gede assatenni sae, keeraano lowo manna shee Yerusaalamete doogga mundee calla assino.

ERMIYAASI 2:34

Imaani'ne mulqi'nanna fultino'ne mundeenni ikkikkinni, keeraanotenna buxanete mundeenni baino.

ERMIYAASI 5:14

Kunnira olantote Mootichi Kaaliiqi, «Ermiyaasi! Kuni manni togo yee coyi'rino daafira, qaale'ya afiikkira giirate gedeeha asseemmo; mannano haqqete gede ikkeenna giira ittanno» yiie.

ERMIYAASI QURTO 4:14

Insa, ballootu gede dooggate raataabbanno; mundeetenni battaabbino daafira, mannu insa kisa qorophanno.

HIZIQEELI 22:3

Kunni katamira ani Mootichu Kaaliiqi yeemmori konneeti: Umikkiha lowo manna shoottohuranna kaphu maganna magansi'ratenni umokki batteessoottohura baokki barri iillino.

HIZIQEELI 23:24

Insano lowo faradi gaare olunnitenninna sinqe hogomboonni gaarenni dukkisantinota jawa olanto adhite dagge, aliyye ragaanni bala tuggannohe. Wonqotenninna umoho wodhinanni gullee siwiilunnitenni gargadhitanni doyissite amaddannohe. Anino insara sayise eemmohe; insano seerinsa garinni yoo yitannohe.

HIZIQEELI 23:44

Labballu marro marro hige fooranno meentiwa marannonte gede, hakkuri halallitte gobbanni daggino labballi foorretenni battaawinoriwa Ohoolanna Ohooliibawa marro marro hige marino.

HIZIQEELI 24:7

Katamu giddo manna shinoonni; mundeeno, bushshu diwannowa ikkikkinni kinnaame baattora du'nantino.

HOOSEI 2:2

Ooso'ya ballo, kunni ka'a ama'ne galte'ya ikka hooggurono, anino ayiddaannase ikka hoogummorono, «Eeggatena foorakkinna baashaawakki aguri» yitine seejjese.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

LEEWAAWOOTA 20:10

« ‹Mittu manchi wolu galte ledo fooriro lamenka shinona.

LEEWAAWOOTA 21:9

Qeesichu beetto foorretenni galte hossannota ikkituro, annase shollishshanno daafira giirrona.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.