HIZIQEELI 23:25 - Qullaawa Maxaafa

²⁵ Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

HIZIQEELI 23:25 ပူးပေါင်းရင်းမြစ်များ

FULO 34:14

Ani Kaaliiqi hinaasaancho Maganootina, wole magano magansidhinoonte.

LAWISHSHA 6:34

Galtesira hamashshaawino manchi hanqanno; mararro nookkiha rabbisi'ranno.

FAARSO ROORE FAARSO 8:6

Hegere baxillinni wodanikki giddo qa'misie; angakkira maatamu gede ane calla amadie. Baxillu reyote gedee jawaataati; hinaasuno waammate gedee kaajjadooti; baxillu giirate gede buwanno; baxillu Kaaliiqi buwanooti.

HIZIQEELI 23:29

Ate gibbanno daafira, loosi'roottaha baala adhitanno. Imaanakki mulqite foortanno mancho assinannihu gede, teedakki reqecci assitanno. Yortokkinna kassi yaa hoogakki,

HIZIQEELI 23:47

Kuni mannino kinnatenni ganonsa; bisetennino doddolonsa; oosonsa shoo; minnansano giiro.

HIZIQEELI 24:21

Ki'ne Israeeleteno, ‹Wolqa'ne adawadhitinanniha, ille wortine la'inannihanna wodani'ne fooliishshi'rinoha Qullaawa Mine'ya batteesseemmo. Yerusaalamete gattinore ooso'nenna seenne'ne olu giddo shinanni› yee kuleemmo'ne gede hajajinoe.

HIZIQEELI 5:13

«Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

MARRO 29:20

Kaaliiqi konne mancho dimaaranno. Giirannoha hanqosi isi aana bushshanno. Kunni maxaafira borreessinoonni rumo baalanti aanasi dirritanno. Kaaliiqino su'masi baattote aaninni co'o asse hunanno.

YOHAANNIS AJUUJA 18:8

Kunni daafira mitto barra, reyo, dadillunna hude amaddannose. Giirano ittannose. qorichishannosehu Mootichu Maganu wolqaataamoho» yitanna macciishshummo.