HIZIQEELI 22:7 - Qullaawa Maxaafa

⁷ Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

HIZIQEELI 22:7 ပူးပေါင်းရင်းမြစ်များ

FAARSO 94:5

Kaaliiqa! Kune mannakki miiccanno; doodhoottore gadadissanno.

FAARSO 94:6

Gunnittenna buxo shitanno; manni gobba mannano guddanno.

FULO 20:12

«Magani'ne Kaaliiqi aanno'ne baatto aana diri'ne seedanno gede anna'nenna ama'ne ayirrisse.

FULO 21:17

«Annasi woy amasi xonannohano shinona.

FULO 23:9

Ki'neno Gibitsete gobbara manni gobba manna ikkitine heedhinoonni daafira, qarrammanni gara affinoonnina, manni gobba manna gadadissinoonte.

LAWISHSHA 20:20

Annasi woy amasi xonannohu, barri-male tunsichu giddora eanno.

LAWISHSHA 30:11

Annansa runtannorinna, amansano naaddannokki ilama no.

LAWISHSHA 30:17

Annasi arrassannohanna amasi mishannoha, illesi haraqeeyye kurkurtanno; maalasino allaatte ittanno.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ERMIYAASI 7:6

Manni gobba manna, annanna ama afi'rinokkirenna gunnoota xiibbinoonte. Tenne gobbara hee'rannoha beebbaataamo manna shitinoonte. Ba'inannina kaphu maganna magansidhinoonte.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 22:25

Albisootinsa, shiino saada gaangeesse itanno doobbiyi gedeereeti; mannano mararro nookkiha shitanno. Woxeno ikko wole jajja affure baala adhitanno; manna shaansa lowo meento galtiweelo assitino.

HIZIQEELI 22:29

Dureeyye wolunniha dogge gudhitanno; buxanenna qarrantinore raateessitanno. Manni gobba manni halaale beeshshite tootayyeessitanno.

LEEWAAWOOTA 20:9

« ‹Annasi woy amasi xonannohu reyo; annasi woy amasi xonino daafira, sao umisite.

ZAKKAARIYAASI 7:10

Mereero'ne hee'rannore galte shii'rino meento, annanna ama afidhinokkire, wole gobba mannanna qarraataamma baala gadadissinoonte. Mimmiti'nera busha heddinoonte.›

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

MAARQOOSI 7:10

Muse, ‹Annakkinna amakki ayirrisi!› Qoleno ‹Annanna ama xonannohu horonta reyo!› yee hajajino.

MARRO 24:17

«Manni gobba mannira woy annu nookki oosora halaale beeshshitinoonte. Gunnittete imaana amadote adhitinoonte.

MARRO 27:16

«Annasi woy amasi shollishannohu rumaminoha ikko. Mannu baalunku, ‹Eewanni ikko!› yoo.

MARRO 27:19

«Manni gobba manniha, annunna ama noonsakkirihanna gunnootu halaale beeshshannohu rumaminoha ikko. Mannu baalunku, ‹Eewanni ikko!› yoo.

MARRO 5:16

« ‹Ani Maganikki Kaaliiqi eemmohe baatto aana diru seedannohe gedenna seyannohe gede, hajajoommohe garinni annakkinna amakki ayirrisi.