HIZIQEELI 22:6 - Qullaawa Maxaafa

⁶ «Giddokki noori Israeelete albisooti duuchunku, wolqansa addaxxite manna shitanno.

HIZIQEELI 22:6 ပူးပေါင်းရင်းမြစ်များ

NEHIMIYA 9:34

Akaakkanke, mootoollanke, albisootinkenna qeesootinke, seerakki diagadhitino; oottonsa hajajonna qorophishiishsha dimacciishshitino.

LAWISHSHA 30:14

Hinko bisete gedeeri, kelta billawu gedeerinna, buxanenna gadadaamma marartannokkiha miiccannori no.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

ERMIYAASI 32:32

Togo asseemmohuno Israeelennihunna Yihudu manni, mootoollansa, roorrootinsa, qeesootinsanna himanaanonsa loossino bunshe daafiraati.

ERMIYAASI 5:5

Xa gashshaanonniwa mare insa ledo hasaaweemmo; insa Maganinke Kaaliiqi Seeranna, assitara hasi'rinore baala seekkite affino› yee hedoommo. Insano affe heedhenni isira hajajama gibbino.

HIZIQEELI 21:12

Koo manchi beetto, tenne bise qixxeessinoonnihu, manna'yanna Israeelete albisoota guddaraatina raari. Insano gatino manni'ya ledo reyitanno; kunnira, hexxo mudhite umo ga'ni.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 22:3

Kunni katamira ani Mootichu Kaaliiqi yeemmori konneeti: Umikkiha lowo manna shoottohuranna kaphu maganna magansi'ratenni umokki batteessoottohura baokki barri iillino.

HIZIQEELI 45:8

Kuni qoqqowi Israeelete gashshaanchira iqqa ikkanno. Hakkiinni sae manna okka dihasiissannosi; gattino baatto baala Israeelete ga'rera agura hasiissannosi.

DAANIEELI 9:8

Mooticha'ya! Cubbo loonsoommo daafira uminke, mootoollanke, gashshaanonkenna akaakkanke aana shollinye abbi'noommo.

MIKIYAASI 2:1

Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

SOFFOONIYAASI 3:4

Himanaanosi boo'natenni bedeedantinoreetinna giddonsa xagarro wo'mitinoreeti. Qeesootisi qullaawoota batteessitanno. Kaaliiqi hajajono uminsara injaannonsa gede shokkishshe tirtanno.

ZAKKAARIYAASI 3:3

Iyyaasuno xurtino uddano uddi're sokkaasinchu albaanni uurre no.