HIZIQEELI 22:28 - Qullaawa Maxaafa

²⁸ Himanaanonsa mineho noora buuranno manchi gede, konne duuchanka cubbo dibbanno; dharu ajuuja la'anno; kaphu himana kultanno. ‹Mootichu Kaaliiqi kulinonkere coyi'neemmo› yitanno. Kayinnilla ani Kaaliiqi mittoreno dikuloommonsa.

HIZIQEELI 22:28 ပူးပေါင်းရင်းမြစ်များ

ISAYAASI 28:15

«Reyote ledo namoommoommo; jeennaatu ledo sumuu yinoommo; doga minenkeeti; kaphuno golonkeeti. Qoomamu daanno woyiteno dikisannonke» yitine boo'nitinoonni.

ISAYAASI 30:10

Maganu soqqamaanonna himanaano, «Kaaliiqi yiinore kultinoontenke; halaaleno dudubbinoontenke. Kapho nafa ikkiro, ninke halchinoommore calla macciishshinammora hasi'neemmo.

ERMIYAASI 23:21

Tenne himanaano ani disoommo; insa uminsa hedolla haadhe doddanni no. Ani mittoreno dikuloommonsa; insa kayinni ani soommohu gede assite coyidhanno.

ERMIYAASI 28:15

Anino Hanaaniyara, «Hanaaniya, macciishshi! Ate Kaaliiqi disoyinohe. Konne manna kapho adda assi'ranno gede assitanni nootto.

ERMIYAASI 28:2

«Israeelete Magani Olantote Mootichi Kaaliiqi, ‹Baabilooni moote qambara hiiqqoommo.

ERMIYAASI 37:19

‹Baabilooni moote ateranna gobbakkira bala dituganno› yite himantu himanaano hanni xa hiikko no?

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

HIZIQEELI 13:2

«Koo manchi beetto, uminsanni kalaqqe himana coyidhanno himanaano Israeelennitera himana kuli; roorsite Kaaliiqi qaale macciishshitanno gede coyi'rinsa:

HIZIQEELI 21:29

« ‹La'inanni ajuuja dharaho; kultinanni himanino kaphoho. Ki'ne, bunshenna batte wo'mitino'nereeti; goofimarchu qoricha adhitinanni barri iillino; bise haxo'nera suuntanni no.

HIZIQEELI 22:25

Albisootinsa, shiino saada gaangeesse itanno doobbiyi gedeereeti; mannano mararro nookkiha shitanno. Woxeno ikko wole jajja affure baala adhitanno; manna shaansa lowo meento galtiweelo assitino.

SOFFOONIYAASI 3:4

Himanaanosi boo'natenni bedeedantinoreetinna giddonsa xagarro wo'mitinoreeti. Qeesootisi qullaawoota batteessitanno. Kaaliiqi hajajono uminsara injaannonsa gede shokkishshe tirtanno.