HIZIQEELI 22:27 - Qullaawa Maxaafa

²⁷ Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 22:27 ပူးပေါင်းရင်းမြစ်များ

LAYINKI DUDUWO 36:14

Qeesootu roorrootinna mannu kaphu maganna magansi'ratenni qooxeessinsara noo gosaha busha ha'ruma hadhanni Kaaliiqira ammanama gibbu. Kaaliiqi keereensinoha Qullaawa Mineno batteessitu.

LAWISHSHA 17:23

Bushu manchi halaale dawisara yee, maaxe gubbo itanno.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ERMIYAASI 41:7

Katamu mereerira iillituta Ismaeelinna ledosi noori konne mannano shite balete giddo tuggu.

ERMIYAASI 5:6

Mannu lowo geeshsha haxawarre Kaaliiqa agurino; kunnira diinu dubbu doobbiyi gedenna, halalli hiyyeeyye gede asse diddishannonsa; katammansara noore dagunchu daddarannonsa.

ERMIYAASI QURTO 4:13

Ikkollana, katamaho beebbaataammu mundee duntinori, himanaanose loossino cubbinna, qeesootise assitino bunshenni kainohunni kuni coyi ikkino.

HIZIQEELI 13:19

Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

HIZIQEELI 22:13

«Hanaaqo'nenna manna shaa'ne giweemmo daafira, ki'nera wolqa'ya leellisheemmo.

HIZIQEELI 22:25

Albisootinsa, shiino saada gaangeesse itanno doobbiyi gedeereeti; mannano mararro nookkiha shitanno. Woxeno ikko wole jajja affure baala adhitanno; manna shaansa lowo meento galtiweelo assitino.

HIZIQEELI 22:3

Kunni katamira ani Mootichu Kaaliiqi yeemmori konneeti: Umikkiha lowo manna shoottohuranna kaphu maganna magansi'ratenni umokki batteessoottohura baokki barri iillino.

HIZIQEELI 22:6

«Giddokki noori Israeelete albisooti duuchunku, wolqansa addaxxite manna shitanno.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

HIZIQEELI 34:3

Adonsa agginanni; ge'reewu ordanni gannoonni imaana uddidhinanni. Hardino ge'reewo gorritine ittinanni; ge'reewo kayinni diallaaltinanni.

HIZIQEELI 36:12

Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

HIZIQEELI 45:8

Kuni qoqqowi Israeelete gashshaanchira iqqa ikkanno. Hakkiinni sae manna okka dihasiissannosi; gattino baatto baala Israeelete ga'rera agura hasiissannosi.

HIZIQEELI 45:9

Mootichu Kaaliiqi, «Ki'ne Israeelete gashshaano seeda yanna cubbo loossinanni keeshshitinoonni. Xa kayinni beebbanna gadadishsha agurre; suwashshonna taalo ikkino coye asse. Manni'ya layinkimeeshsho baattote aaninni shorramanno gede assitinoonte. Konne coye kuleemmo'nehu ani Mootichu Kaaliiqaati.

HIZIQEELI 46:18

Roorre uyinoonnisi gashshaanchi, baatto mannuwiinni wolqatenni adha dihasiissannosi. Oososira beehanno baatto heedhuro, umisira iillino qeechi aaninni calla aa dandaanno. Kunni garinni iqqansa wolqatenni adhe manna'ya gadadisoonke» yee hajaji.

MIKIYAASI 7:8

Diina'ya, uwa'yara hagiidhitooti. Uwummorono kaeemmona. Tunsote ofollummorono Maganu caabbicho ikkannoe.

IMBAAQOOMI 2:9

Beebbatenni gamba assidhinoonni jiro mine wonshidhinoonniri, dano iillitanno'nekki gede mine tullote aana mi'nitinoonnirira ki'nera aanne'e!

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

MAATEWOOSI 21:13

«‹Mine'ya huuccattote mineeti yinanni› yine borreessinoonni. Ki'ne kayinni mulqidhannori maaxantanno goda assitinoonni» yiinsa.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

SOQQAMAASINETE LOOSO 20:29

Ani ha'rummohu gedensaanni hoshsha marartannokki hiyyeeyye daggannota afoommo.

SOQQAMAASINETE LOOSO 24:9

Ayihudootuno, «Kuni halaaleho» yite afo xaaddu.