HIZIQEELI 22:25 - Qullaawa Maxaafa

²⁵ Albisootinsa, shiino saada gaangeesse itanno doobbiyi gedeereeti; mannano mararro nookkiha shitanno. Woxeno ikko wole jajja affure baala adhitanno; manna shaansa lowo meento galtiweelo assitino.

HIZIQEELI 22:25 ပူးပေါင်းရင်းမြစ်များ

UMI MOOTOOLLA 22:23

Mikaya lede, «Kuni ikkanni noo coyino isooti. Himanaanokki kapho kultannohe gede assinohu Kaaliiqaati. Bao daggannohe gedeno Kaaliiqi coyi're kaino» yee hasaawasi gudi.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ERMIYAASI 11:9

Qoleno Kaaliiqi, «Yihudunna Yerusaalamete manni anera gano ganino.

ERMIYAASI 15:8

Baatto'nera gunnootu, baaru shaafinni roore bati'ranno gede asseemmo; aja manna'ne barru taalootira shee, amuuwansa manchitanno gede asseemmo. Hedeweelcho masillenna yaaddo abbeemmo'ne.

ERMIYAASI 18:21

Kunnira oosonsara hude soyi; insano olunni gooffanno gede assi. Meentinsa gunnootanna ilaweeloota ikko; jajjabbu dhibbunni wedellu olunni, gooffanno gede assi.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 2:34

Imaani'ne mulqi'nanna fultino'ne mundeenni ikkikkinni, keeraanotenna buxanete mundeenni baino.

ERMIYAASI 23:14

Yerusaalamete himanaano kayinni, hakkiinni sa'ino bunshe assitino; foortanno; kaphu himana kultanno. Mannano bunshete kakkayissanno; bunshe loosa agurannohuno dihee'ranno; mannu Soddoomunna Gomooru manni gedeeha ikkino.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

ERMIYAASI QURTO 4:13

Ikkollana, katamaho beebbaataammu mundee duntinori, himanaanose loossino cubbinna, qeesootise assitino bunshenni kainohunni kuni coyi ikkino.

HIZIQEELI 13:19

Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

HIZIQEELI 13:2

«Koo manchi beetto, uminsanni kalaqqe himana coyidhanno himanaano Israeelennitera himana kuli; roorsite Kaaliiqi qaale macciishshitanno gede coyi'rinsa:

HIZIQEELI 22:7

Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

HIZIQEELI 34:2

«Koo manchi beetto, Israeelete allaalaasinera, ani Mootichu Kaaliiqi yeemmore baala himanunni, «‹Saada towatanna allaala agurtine, umo'ne towaxxitinannirira ki'ne Israeelete allaalaasinera aanne'e!

HIZIQEELI 34:3

Adonsa agginanni; ge'reewu ordanni gannoonni imaana uddidhinanni. Hardino ge'reewo gorritine ittinanni; ge'reewo kayinni diallaaltinanni.

HOOSEI 6:9

Addi-fulootu manna shitara duggannohu gede, qeesootu gaamono hatto assitanno. Sekeemi massitanno doogora nafa manna shitanno; saalsiissanno bunshe assitanno.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAARQOOSI 12:40

Gunnootu mine mulqitanno; mannaho leellantara yite, huuccatto seedissanno. Kunni daafira insara roore qoricha uyinanni» yii.

LUQAASI 20:47

Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

YOHAANNIS AJUUJA 13:11

Layinki moyicho baattote giddonni fulanna afummo. Ge'reewunnita labbannoti lame buudda noosi. Isino dhudhuufu gede coyi'ranno.

YOHAANNIS AJUUJA 13:15

Layinki moyichi, umi moyichi misilera lubbotenni hee'rate foole woranno gede wolqa uyinisi. Hatto assinoonnihu misile coyi'ra dandiitanno gedenna, iso magansidhannokkire baala shinanni gede assateeti.

YOHAANNIS AJUUJA 17:6

Tini mancho qullaawu manni mundeenninna Yesuusi farci'raasine mundeenni dimbite noota afummo. Afummo yannara lowo geeshsha maala'lummo.

YOHAANNIS AJUUJA 18:13

su'naannoha haqqu omolcho, su'niitanno qimamma, hixaana, kaarbe, su'nare, woyinete xajje, ejedhete zayite, fila bullee, qamade, lalonna ge'reewo, faradonna faradi gaare, borojjenna qafadamino manna hidhannoha diafidhanno.