HIZIQEELI 22:15 - Qullaawa Maxaafa

¹⁵ Mannakki gobba baalatenna gosa baalate mereero billaalliseemmo; bushu loosikki hakko gawa'lanno.

HIZIQEELI 22:15 ပူးပေါင်းရင်းမြစ်များ

NEHIMIYA 1:8

« ‹Ki'ne Israeelete manna, anera ammanama hoogginiro dagate mereero billaalliseemmo'ne. Ikkollana anewa higgine hajajoommo'nere wonshitiniro, baattote qacce geeshsha billaallitiniro nafa, ani magansi'naera doodhoommo dargira galagalche abbeemmo'ne› yite Musera coyi'rootto qaale qaagi.

ISAYAASI 1:25

Hanqunnita anga'ya ki'ne aana kayiseemmo; buwannohu hanqi'yanni batte'ne baala aani'nenni hooleemmo.

ERMIYAASI 15:4

Hiziqiyaasi beetti Minaase Yihudaho moohi yannara, Yerusaalamete assino bunshe daafira, aanansa daanno coyinni daga baala massanno.

HIZIQEELI 20:23

Kunnira, halalla moola baattora heedheenna, gobba baalate billaalliseemmonsata xaare kuloommonsa.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 22:18

«Koo manchi beetto, Israeelete manni anera mittore diledannoe; insa birra daashshinihu gedensaanni hundaho shaarra ikkite gattanno camo, qorqorro, siwiilinna irsaasete gedeereeti.

HIZIQEELI 22:22

Hatte yannara, ani Mootichu Kaaliiqa ikkoommotanna hanqi'yanni qorichishoommonsata affanno» yiie.

HIZIQEELI 23:27

Foorrekkinna alba Gibitsete heedhe rosoottaha saalsiisanno assoote baala aguratta gede asseemmohe. Layinkimeeshsho kaphu magannawa higge dila"atta; Gibitsennireno diqaagatta» yiise.

HIZIQEELI 34:6

Kunnira, ge'reewi'ya seeddaanna gaarraranna ilaallara raataawino. Baatto baalate aanano billaallino; allaalinonsahunna hasinonsahu dino.

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

HIZIQEELI 5:10

Kunni daafira, Yerusaalamete noo annuwinna amuuwi oosonsa ittanno. Oosonsano qolte annuwansanna amuuwansa ittanno. Kunni garinni ki'ne baalanka qorichisheemmo; gattinoreno shoolenta faro qole billaalliseemmo.

HIZIQEELI 5:12

Manni'ne giddonni sasunni mitte anga, katamu giddo hudetenninna dhibbunni gooffanno. Sasunni mitte anga katamu gobbaanni bagadunni reyitanno. Gattinori sayikki anga shoolenka raga billaallitanno gede asse, bagadunni shorreemmonsa.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

ZAKKAARIYAASI 13:9

Gatinoha mitte anga ikkanno manna haa're giiranniwa masse, birru gede daashshe, culku gede fonqole xalaltanno gede asseemmonsa. Hakkunni gedensaanni anewa higge huuccidhanno; anino dawareemmonsa. Anino, ‹Ki'ne manna'yaati› yeemmonsa; insano, ‹Kaaliiqi Maganonkeeti› yitannoe» yaanno.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

MILKIYAASI 3:3

Isi birra daashshe ximbiiwanno manchi gede ikke yoote ofollanno. Birranna culka daashshe ximbiiwannohu gede sokkaanchu Leewi sircho keereensanno. Hakkunni gedensaanni Kaaliiqi halaalaancho kakkalo shiqishanno manna afi'ranno.

MILKIYAASI 4:1

Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

MARRO 28:25

«Kaaliiqi diinna'ne qeeltanno'ne gede assanno. Mitte faro higgine dagginanni; lamala faro higgine albinsanni xooqqinanni. Gosa baalate busha lawishsha ikkitinanni.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.

UMI PHEEXIROOSI 4:12

Jaalla'ya! Giirate gede fonqolanno qarri giddo heedhiniro, anfoonnikkihu haaru coyi iillino'nehu gede assitine dhaggeeffattinoonte.