HIZIQEELI 22:12 - Qullaawa Maxaafa

¹² Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:12 ပူးပေါင်းရင်းမြစ်များ

NEHIMIYA 5:1

Shiima yanna gedensaanni, mannu giddonni lowo meentinna labballu hajajjannore fiixansa Ayihudoota abbooshshidhu.

NEHIMIYA 5:7

Konne coye wodani'yanni malummohu gedensaanni, albisootanna roorroota, «Ki'ne umi'ne manniwiinni qallo hiitto adhitinanni? «Mitiimma tirranni doogo hasate manna mitteenni gamba asse,

FAARSO 106:21

Gibitsete heedheenna, maalaletenni gatisinonsa Magano habbu.

FAARSO 15:5

Woxesi qallote aannokkiho; keeraanchunnire wirate gubbo itannokkiho. Hattoo manchi horontanni dimasanno.

LAWISHSHA 1:19

Mulqi'ra mulqi'rannohura baote doogooti; gawalonsano hakkiichooti.

ISAYAASI 1:23

Albisootikki hajajantannokkirenna mooraanote jaalla ikkitino; baalunku gubbonna afansha hasidhannoreeti. Annanna ama shiidhino oosoha halaalensa diagartanno; galte shii'rino meenti ku'lono dimacciishshitanno.

ISAYAASI 17:10

Israeele! Gatisino'neha golo'ne Magano habbine, wole gobba maganna ayirrisate biifado haqqe kaasidhinoonni.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ERMIYAASI 2:32

Seemo beetto irrase, idayicho idayichimmate imaanase habbannoni? Manni'ya kayinni ane batinye hige hawinoe.

ERMIYAASI 3:21

Ilaalu aana raare macciishshinanni; tini raareno Israeelete manni cubbo loosanni, ane Kaaliiqa Maganonsa agure hee're, xa kayinni gaabbe raaranni noo raareeti.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

ERMIYAASI 9:1

Shinoonnihura manni'yara hashshanna barra wi'lammora, umi'ya wayi bale, ille'yano hindiiddote buicho ikkitoommero, hiitto baxeemmohu baino.

HIZIQEELI 18:13

woxesi qallote liqiissiro, kuni beetti lubbotenni hee'rara dandaannoni? Horonta lubbotenni hee'rara didandaanno. Konne baala tiyyi'nanni coye assino daafira reyanno; reyosirano isi umisilla xa'mamanno.

HIZIQEELI 18:8

Woxesi qallote diliqiissanno; woy mitte bunsheno diassanno; giwantinore araarsate halaale coyi'ranno.

HIZIQEELI 23:35

Xaano Mootichu Kaaliiqi, «Hawoottaehuranna alba bushshe badhe wodhoottaehura, yortokkinna foorrekki daafira qarra adhatta» yiise.

HIZIQEELI 36:12

Manna'ya Israeele, galagale aana'ne hee'ranno gede qole abbeemmo. Ki'neno iqqansa ikkitinanni; kunni ka'a oosonsano dihudidhanno.

LEEWAAWOOTA 19:13

« ‹Manna hanaaqqinoonte; gantine adhitinoonte; loosino'ne manchi hunkii ki'newa hashsha galoonke.

LEEWAAWOOTA 25:37

Woxe'ne qallote liqiissitinoontesi; sagale'neno giddonni fushshidhinannirira hirtinoontesi.

AMOOTSI 8:4

Ki'ne buxane kaddinanniri, gadadaamma gobbatenni huntinara hasidhinanniri baalu, konne coye macciishshe.

AMOOTSI 8:6

Kura qamadete waagira hirreemmo; asale qola hoogino buxichonna, koattete woxe baata hooginoha, borojjimmate hidhineemmo» yitanno.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAATEWOOSI 23:25

«Kine lawisiisaano, Seeru rosiisaanonna Farisootu, ki'nera aanne'e! Finiinchonna xilte iimiido seekkitine biifissinanni; giddo'ne kayinni xagarronna ufunimma wo'mitino.

LUQAASI 18:11

«Farisichu uurre wodanisinni, ‹Magano'ya, ani wolootu gede mulqi'reemmoha, jaddo looseemmohanna fooreemmoha ikka hooga'yara galaxxeemmohe. Roorenka kunni qaraxaasinchi gedeeha ikka hoogoommohura galaxxeemmohe.

LUQAASI 19:8

Zakkiwoosi kayinni kae uurre Mootichaho, «Mooticha'ya, afi'roommo jiro baalatenni taaloote buxanete eemmo. Mannuwiinni hanaaqe adhoommo woxi hee'rirono, shoole anga asse qoleemmo» yii.

LUQAASI 3:13

Isino, «Seerunni hajanjoonniha sa'ine adhitinoonte» yiinsa.

UMI QORONTOOSI 5:11

Ani, « ‹Ammanoommo› yaanni hee're, foorannohu woy hafuurannohu woy kaphu maganna magansi'rannohu woy mannu su'ma hunannohu woy dimbannohu woy mulqi'rannohu ledo sumuu yitinoonte» yoommo'ne. Hattoo manni ledo sagale nafa mitteenni ittinoonte.

UMI QORONTOOSI 6:10

mooraano woy hafuuraammu woy dimbaasine woy mannu su'ma huntannori woy mulqidhannori Maganu Gashshoote diragidhanno.

MARRO 16:19

Yoo shokkishshinoonte; godowa hossinoonte. Gubbo egennaammu ille ballisse, halaalaanote qaale shokkishshannona gubbo ittinoonte.

MARRO 23:19

«Woxe, sagale woy wolereno ikkiro fiixi'nera Israeelete qallote liqiissitinoonte.

MARRO 27:25

«Keeraancho mancho shaara gubbo adhanno manchi rumaminoha ikko. Mannu baalunku, ‹Eewanni ikko!› yoo.

MARRO 32:18

Kalaqaanchinsa Maganuwiinni wirri yitino. Ilinonsaha jawaata golonsa habbino.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

YIHUDA 1:11

Qaayeeli doogo hadhinona, woxeho yite Beleaami so'ro giddo ubbinona, Qore gede qoxxissanno daafira ba'annona insara aanne'e!