HIZIQEELI 21:6 - Qullaawa Maxaafa

⁶ «Koo manchi beetto, mannu baalu afannohewa heedhe, hexxo mudhite dadillitanni uri!

HIZIQEELI 21:6 ပူးပေါင်းရင်းမြစ်များ

ISAYAASI 16:11

Kunnira, Moaabiranna Qiirihereesira hururame wi'leemmo.

ISAYAASI 21:3

Afoommonna macciishshoommo coyinni kainohunni dhiwamoommo; ilate game amaddino mancho gede ikkoommo.

ISAYAASI 22:4

Kunnira, xa reyino mannira hururame wi'leemmona agurre"e; sheshifachishshinoonte"e.

ERMIYAASI 19:10

Hakkunni gedensaanni gambayicho ledo'ya ha'ri manni albaanni hiiqqeemmo gede kulinoe.

ERMIYAASI 30:6

Heddine la'e! Labbaahu gamaa'me ooso ilannoni? Mayiraatiyya labbaahu baalu, gamaa'mitanno mancho gede hallo cu'mi'rinohu? Mannu baalu albi xawulushshi mayira yiinoyya?

ERMIYAASI 4:19

Hayi qarra! Konne qarra baala hiitto ikke cinca dandeemmo? Hayi wodana'ya! Wodani'ya hiitto shafamanni no! Xurumbunna olu luulo macciishshanni, sammi yee cinca didandeemmo.

HIZIQEELI 21:12

Koo manchi beetto, tenne bise qixxeessinoonnihu, manna'yanna Israeelete albisoota guddaraatina raari. Insano gatino manni'ya ledo reyitanno; kunnira, hexxo mudhite umo ga'ni.

HIZIQEELI 21:5

Ani Kaaliiqi bise'ya fushshoommotanna galagaleno kou giddora qoleemmokkita mannu baalu afino.

HIZIQEELI 21:7

‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.

HIZIQEELI 32:18

«Koo manchi beetto, lowohura Gibitsete mannira wi'li. Wolqaataamma daga ledo jeennaate dirritanno gede yoo yiinsa.

HIZIQEELI 37:20

«Borreessittore lamenta siqquwa angakkinni amadde mannu la"anno gede assi.

HIZIQEELI 4:12

Mannunnita lowiidi shuma mooshshite giidhitanni, tima gante mannu baalu afannowa heedhe iti» yiie.

HIZIQEELI 6:11

Mootichu Kaaliiqi, «Israeelete manni assino bunshenninna shagaggi'nanni coyinni kainohunni, hudetenninna bagadunni goofanno daafira, umo cu'midhine gagaso ga'nitinanni bayisibao yitinanni hururantine wi'le.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

DAANIEELI 5:6

Hakkawoyintenni mootete albi kolossi yii. Masillu batinyinni kainohunni lekka qece qece yitusi; wolqano waa ikkitusi.

DAANIEELI 8:27

Ani Daanieeli lowo geeshsha daafuroommo daafira xisseennae lowo barra goxoommo. Hakkunni gedensaanni kae moote uyinoe looso loosummo; ajuuja lowo geeshsha yaachishshinoe daafira wodancha didandoommo.

NAHOOMI 2:10

Nennewe Katami co'o yee bai; diigame ona ikke gati. Mannu baalunku wodani waajjillunni kainohunni daaqi. Guluchu baalunku qece yii; mannu baalunku halli leqe yii; baalunku albi xawulushshi yii.

IMBAAQOOMI 3:16

Konne coye macciishshummota, mannimma'ya shiiltu; suume'ya huxidhu; miqqa'ya daaqqu; lekka'yano qece yitu. Maganu qarrissannonkere qorichisha geeshsha, cince agadheemmo.