HIZIQEELI 21:29 - Qullaawa Maxaafa

²⁹ « ‹La'inanni ajuuja dharaho; kultinanni himanino kaphoho. Ki'ne, bunshenna batte wo'mitino'nereeti; goofimarchu qoricha adhitinanni barri iillino; bise haxo'nera suuntanni no.

HIZIQEELI 21:29 ပူးပေါင်းရင်းမြစ်များ

IYYOOBI 18:20

Soojjaatinni galchimi geeshsha noo manni, konne coye macciishshe masanno.

FAARSO 37:13

Kaaliiqi kayinni, barru iillinosita afino daafira, oso'lannosi.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

ISAYAASI 47:13

Ma'lootta mali baalu daafursannoheta ikkinnina, mittoreno diledannohe; hanni aganu aganunkunni ayyaana la'annore abbidheenna, albillittete daara noo qarrano kulte gatissossiheyya!

ERMIYAASI 27:9

Kunnira, Baabilooni mootera anga uyitinannikki gede hooltanno'neriha himanaano'ne, kiilaano'ne, haaqii'raano'ne masaalaano'nenna bitaammi'ne coye macciishshitinoonte.

ERMIYAASI 6:7

Balete giddonni wayi fulannohu gede, Yerusaalamete kataminni bunshe fultanno; isi giddonni fultannota, beebbatenna barshu raare macciishshoommo; wo'manka woyite dhibbanna mada calla anfanni.

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

HIZIQEELI 12:24

«Israeelete manni mereero kaphu ajuuja woy so'rote himani kunni ka'a horonta dikulamanno.

HIZIQEELI 13:10

«Himanaano, ‹Keereholla› yitanni manna'ya so'risiissanno; keeru kayinni dino. Manni'ya mimmito amaddinokki kinna duune kinchu huxxa huxxino; himanaanono dagge aanaho noora buurtino.

HIZIQEELI 13:23

Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.

HIZIQEELI 13:6

Ajuujansa dharaho; himaninsano kaphoho. Ani kuloommonsahu gede assite himana coyidhanno; ani kayinni disoommonsa. Hatti hakko heedheennanni yitinori wo'mannohu gede assite heddanno.

HIZIQEELI 21:25

«Ati bunshenna batte wo'mitinohehu Israeelete albisaancho, goofimarchu qoricha eemmohe barri iillino.

HIZIQEELI 22:28

Himanaanonsa mineho noora buuranno manchi gede, konne duuchanka cubbo dibbanno; dharu ajuuja la'anno; kaphu himana kultanno. ‹Mootichu Kaaliiqi kulinonkere coyi'neemmo› yitanno. Kayinnilla ani Kaaliiqi mittoreno dikuloommonsa.

HIZIQEELI 35:5

« ‹Atera Israeelete galtino koma noohehura, loosonsa mixxitu yannara, kaa'la agurte sammi yite uurrite laootto.

HOOSEI 7:2

Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.