HIZIQEELI 21:23 - Qullaawa Maxaafa

²³ Yerusaalamete manni eino gondoorinni kainohunni, kuni coyi iillannonke yee dihedino. Kayinnilla, konne himana kulloonnihu cubbonsa qaagiissatenna qafadantannota kulateeti.

HIZIQEELI 21:23 ပူးပေါင်းရင်းမြစ်များ

UMI MOOTOOLLA 17:18

Iseno Eeliyaasi, «Maganu mancho! Togo mayira assittoe? Kawiira dayottohu Maganoho cubbo'ya qaagiissite qaaqqo'ya shiishiishattoraatini?» yitusi.

LAYINKI MOOTOOLLA 24:20

Kaaliiqi Yerusaalamennihanna Yihudu manna hanqe albisinni huni. Moote Sedeqiyaasino Baabilooni moote Nabukadanatsoorira mokkookki.

LAYINKI DUDUWO 36:13

Moote Nabukadanatsoori ammanamannosi gede Maganu su'minni xaarsiisi'rinohu Sedeqiyaasi aanasi kai. Mokkookke wodana kaajje Israeelete Magani Kaaliiqiwano higa giwi.

HIZIQEELI 11:3

Qoleno, ‹Galagalle minna mi'nineemmo yanna muleeti; katamu maala ganfanni midaano gede ikkanna ninke qolle midaanote giddo noo maala ikkinoommo. Ikkirono, woliri hoogirono tini midaano giiratenni goltinonke› yitanno.

HIZIQEELI 12:22

«Koo manchi beetto, Israeelete manni, ‹Kuneeti yanna sa'e hadhino; ajuujano mullare ikkite gattino› yaanni mayira coyi'ranno?

HIZIQEELI 21:24

Kunnira, ani Mootichu Kaaliiqi yeemmohu konneeti: Cubbi'ne leellino; sao assitinoonnire ikkitinoonnita mannu duuchunku afino. Ikkito'ne baalatenni cubbaataamma ikka'ne leellishshinanni. Kunnira, yoo yeemmo'ne; diini'nerano sayise eemmo'ne.

HIZIQEELI 29:16

Israeeleno layinkita kaa'lo afi'rate ki'ne dihexxitanno; layinkimeeshsho insa hexxitannokki gede, ki'nera iillino qarrinni jiiltanno. Hatte yannara, Israeele ani Mooticha Kaaliiqa ikkoommota affanno» yii.

KIIRO 5:15

ise haa're qeesichunniwa massona. Ise daafirano mitte kiilo bullee fushshaateho massona. Sao leellishanno fushshaate ikkino daafira, aanaho zayitenna hixaana woroonke. Kuni hinaasu daafira shiqinshoonnihu gidu fushshaati sao leellishate uyinanniho.

YOHAANNIS AJUUJA 16:19

Jawu Baabilooni katami sasewa beehami; gobba baalate katamma diigantu. Maganu bati'ru Baabiloonire hawinokki daafira, hanqisi woyine wonshinoonni finiinchira aganno gede assi.