HIZIQEELI 21:21 - Qullaawa Maxaafa

²¹ Baabilooni moote doogga xaaddannowa malaateho kaansoonni hossuwa mule uurranno; hiittenne doogo hige ha'ra hasiissannosiro afate hixa ga'nanno. Kaphu magannasino mala xa'mi'ranno; kakkalote gorrinoonni saada hellee la"anno.

HIZIQEELI 21:21 ပူးပေါင်းရင်းမြစ်များ

KALAQAMA 31:19

Laaba ge'reewu orda haxi'rara ha're hee'reenna Raaheeli angatenni bonce seekkinoonnita annise maganna moorte adhitu.

KALAQAMA 31:30

Annikki mini quqquxihero ha'rattota afoommo; maganna'ya kayinni mayira mooritto?» yee xa'misi.

LAYINKI MOOTOOLLA 23:24

Qeesootu roorrichi Hiliqiya Qullaawu Mininni afino maxaafi giddo borreessinoonni coyi wo'manno gede, Iyosiyaasi Yerusaalametenna Yihudu katammanni ekera hasaawiissannorenna kiilaano baala ayiddu maganna, kaphu magannanna dagate maganna magansi'nanniha tiyyi'nanni uduunne baala hune gudi.

LAWISHSHA 16:10

Moote Kaaliiqi afoo ikke coyi'ranno; kunnira, yiino yoo so'ro di"ikkitanno.

LAWISHSHA 16:33

Ikkannore afate mannu hixa tuqqanno; ikkannohu kayinni Kaaliiqi yiinoho.

LAWISHSHA 21:1

Mootete wodani Kaaliiqi anga no; isino lolahanno wayi gede hasi'riwa haa're ha'rannosi.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

HOOSEI 4:12

Kunni daafira haqqunni seekkinoonniha kaphu magano mala xa'midhanno. Kiilu siqqichonsano hasidhinore kultannonsaha lawannonsa. Foorrete ayyaaninni massagante Maganuwiinni faffino.

ZAKKAARIYAASI 10:2

Mannu magannansanna kiilaanonsa xa'mi'ranno; afidhanno dawaro kayinni kaphohonna haafaho. Mitu mitu kaphu haaqee tirtanno; ikkollana kayinni so'risiisannonsa; mulla haafa sheshifachishshannonsa; kunnira mannu baino ge'reewi gede ikke raataawanno; allaalaanchu hooginonsahura qarramanno.

KIIRO 22:7

Moaabinna Midiyaami gashshaano Israeele rumeenna baantannisi woxe haadhe Beleaamiwa marte Baalaaqi yiinoreno kultusi.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

KIIRO 23:28

Baalaaqi yiinonte gede Beleaami halallitte gobba eela qolle la'nanniwa Fegoori Ilaali birxe haa're massisi.

MAATEWOOSI 22:9

Kunnira, doogga martine affini manna baala jilaho woshshe› yiinsa.

SOQQAMAASINETE LOOSO 16:16

Mitto barra huuccattote dargira ha'nanni hee'ne, albillitte ikkara noore kiilunni kulanno ayyaana afidhinotenni mitte seemo soqqamaanchonni xaandummo. Tini beetto biillasera kiilunni lowo woxe gamba assitanno.

MARRO 18:10

Ki'ne mereero oososi giire kakkalannohu, kiilaanchu, bitaamu, moora la"annohu, qaallichu,

EJJEETTO 17:5

Kunni Miika yinanni manchira magansi'nanni dargi noosi. Mini magannanna gagasu uddano seekki're oososi giddonni mittu qeesicha ikke soqqamanno gede assi.

EJJEETTO 18:14

Layishi baatto dooyyituri 5 manni roduuwinsara, «Tenne minna giddo mittoho birra aanaho xallinoonni misile, wole misillanna qeesimmanniti gagasu uddano noota affinoonnini? Ma"assa hasiissannoro malle» yitunsa.

EJJEETTO 18:17

Qeesichu olaho qixxaabbe fultinori 600 manni ledo waalchoho uurre hee'reenna, gobba dooyyite higguri ontunku manni minira e'e, birra aanaho xallinoonni misile, wole misillanna qeesimmannita gagasu uddano adhite fultu.

EJJEETTO 18:18

Kuni manni Miika minira e"e konne uduunne adhanna afe qeesichu, «Hiissitinanni heedhinoonni?» yee xa'minsa.

EJJEETTO 18:20

Kuni coyi qeesicha hagiirsiisisi. Isino qeesimmannita gagasu uddanonna, misilla baala haa're insa ledo ha'ri.

EJJEETTO 18:24

Isino, «Mayira maikkitto yitinannie? Seekki'roommota maganna'yanna qeesicha'ya adhitine hadhinoonni; hanni anera mayi gatinoe?» yiinsa.

UMI SAAMUEELI 15:23

«Kaaliiqira maahoyye giwa kiilu ledo mittete; qoxxisamano kaphu magano magansi'rate gedeeti. Ati Kaaliiqi yiinore giwootto daafira, isino mootimmatenni keeshshattota giwino» yiisi.