HIZIQEELI 20:8 - Qullaawa Maxaafa

⁸ Ikkollana, anera haxawarrite hajajo'ya macciishsha gibbino; tiyyi'nannita misillansano dihuntino; woy Gibitsennita kaphu maganna magansi'ra diagurtino. Kunnira, Gibitsete heedhu yannara, hanqo'ya leellishammonsara hedoommo.

HIZIQEELI 20:8 ပူးပေါင်းရင်းမြစ်များ

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FAARSO 69:24

Aarikki aanansa dirro; buwannohu hanqikki haa'ronsa.

FAARSO 78:17

Insa kayinni, cubbo cubbu aana leddanni Magano hanqissu; halallitte gobbara Wo'munkura Aliidihura hajajama gibbu.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

FAARSO 81:12

Kunnira, hettisamatenna wodaninsa gede heedhara, wore agurummonsa.

FULO 32:1

Muse ilaalu aana keeshshita mannu Aarooniwa shiqe, «Hakku Gibitsetenni fushshinkehu Muse maikkinoro dianfoommona, ka'e albaanni ha'ranno magano seekkinke» yitusi.

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ERMIYAASI 11:8

Ikkollana, yoommore dimacciishshitino; diinohajajantino. Roorenka baalunku mokkookkootanna busha manna ikkitino. Kunnira, gondooru giddo kulloonni rumo baala aanansa dirrisoommo» yii.

ERMIYAASI 32:23

Insa kayinni dagge tenne baatto ragidhuhu gedensaanni, atera hajajamanna seerakki agadha gibbino. Hajajoottonsareno diwonshitino; konne busha coye baala abboottonsahu kunni daafiraati.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

HIZIQEELI 20:13

Ikkollana, halallitte gobbara heedhenni ane gibbinoe; agadhanno baalira heeshsho uyitannota hajajo'yanna seera'ya huntino. Fooliishshote Barrano batteessitino; hakkiicho halallitte gobbarano hanqo'ya leellishe hunammonsara kaoommo.

HIZIQEELI 20:16

Togo yee xaaroommohuno, wodaninsa kaphu magannawa higino daafira, hajajo'ya diigge, seera'ya hunte Fooliishsho'ya Barrano batteessitinohuraati.

HIZIQEELI 20:21

«Ikkollana, hatti ilamano ane gibbinoe; agadhanno baalira heeshsho aannoha seera'yanna hajajo'ya diayirrissino. Fooliishshote Barrano batteessitino; halallitte baattora heedheenna hanqo'ya insara leellishe baalanka hunammora kaoommo.

HIZIQEELI 20:7

Baxxannota tiyyi'nannita misillansa huntanno gedenna, ani Kaaliiqi Maganonsa ikkoommohura, Gibitsete maganna kaphunnita magansi'ratenni umonsa batteessitannokki gede kuloommonsa.

HIZIQEELI 22:22

Hatte yannara, ani Mootichu Kaaliiqa ikkoommotanna hanqi'yanni qorichishoommonsata affanno» yiie.

HIZIQEELI 23:3

Insano, seennimmansa yannara Gibitsete hee're fooranno labballi guntutansa amammade macca huneennansa sholle forannore ikki.

HIZIQEELI 5:13

«Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

HIZIQEELI 7:8

Xa aara'ya baala aana'ne facci asse agurammoraati; assitinoonni coyi baalaho yoo yeemmo'ne. Saalsiisanno loosi'ne daafira qorichisheemmo'ne.

HOOSEI 9:10

Kaaliiqi, «Anera, Israeele afi'ra'ya, halalli gobbara laalinoha woyinete guma afi'rate gedeeti. Akaakka'ne afi'rummo warono, birrate umira laalinoha balasate guma afi'rate geeshsha hagiidhoommo. Ba"aali-Fegoori daggu woyite kayinni, Ba"aalira kumbuultino. Insano, hakkunni baxxannohu kaphu magani gede tiyyi'nannire ikkitino.

LEEWAAWOOTA 18:3

heedhinoonni gobba manni Gibitsennihu assannore assitinoonte; haa're masseemmo'ne gobbahu Kana"aani manni assannoreno assitinoonte; wogansano ha'runsitinoonte.

MARRO 9:24

Ani afummo'ne yanna baalantera, Kaaliiqira maahoyye gibbinoonninte gedeenni heedhinoonni.

MARRO 9:7

«Magano'ne Kaaliiqa halallitte baattora hanqissinisita qaagge; horonta habbinoonte. Gibitsetenni fultini barrinni kayissine techo geeshsha Kaaliiqira maahoyye gibbinoonni gedeenni kawiichira iillitinoonni.