HIZIQEELI 20:6 - Qullaawa Maxaafa

⁶ Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

HIZIQEELI 20:6 ပူးပေါင်းရင်းမြစ်များ

NEHIMIYA 9:12

Barra gomichunni massagoottonsa; hashsha bubbanno giiranni doogo xawisoottonsa.

NEHIMIYA 9:9

«Ati akaakkanke Gibitsete heedheenna iillinonsa qarra laootto; Duumu Baari mule heedhe, kaa'lattonsara shiqishidhino huuccatto macciishshootto.

FAARSO 106:24

Maganu uyinonsa hexxo ammantinokki daafira, dancha baatto mishshu.

FAARSO 47:5

Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

FAARSO 48:2

Tsiyooni ilaalira noohu Maganu katami leelladohonna xumaho; kuni jawa moote katami baatto baalate hagiirre aannoho.

FULO 13:5

Kana"aanootunnita, Hitootunnita, Amooraawootunnita, Hiwootunnitanna, Iyaabuusootu baatto ragisiisanno'ne gede Kaaliiqi akaakka'nera xaarino; tenne malawunna ado wo'mitino baatto haa're massanno'ne yannara, diru dirunkunni umi aganira konne ayyaana ayirrissinanni.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

FULO 33:3

Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.

FULO 6:8

Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii.

ERMIYAASI 11:5

Hatto ikkiro, xa heedhinoonnita danchanna shaqqado baatto aammonsara xaaroommo xaaro wonsheemmo» yii. Anino, «Maahoyye danchate Mooticha'ya!» yoommo.

ERMIYAASI 3:19

Kaaliiqi, «Ani ki'ne Israeelete manna, ooso'ya gede asse dogisiiseemmo'ne. Gobbate aana lowo geeshsha biiffinotanna, shaqqado baatto aammo'nera halchoommo; anna'ya yitine woshshitinaeranna, kunni ka'ano anewiinni horonta badantinannikki gede hasi'roommo.

ERMIYAASI 32:22

Akaakkansara ootto hexxo garinni, tenne danchanna shaqqado adonna malawu lolahanno baatto ragisiisoottonsa.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 20:23

Kunnira, halalla moola baattora heedheenna, gobba baalate billaalliseemmonsata xaare kuloommonsa.

HIZIQEELI 20:42

Akaakka'nera aammora xaaroommo gobba Israeele qole abbeemmo'ne yannara, ani Kaaliiqa ikkoommota affinanni.

HIZIQEELI 20:5

Ani yeemmoreno kulinsa; ani Israeele doorummo yannara gondooro eoommonsa; Gibitsete heedheenna anenee egensiisoommonsa. Qoleno, ‹Ani Kaaliiqi Magano'neeti› yoommonsa.

HIZIQEELI 47:14

Ani Akaakka'nera tenne baatto ragisiisate xaaroommo; xaano ki'ne baalunku taashshitine beeqqe.

DAANIEELI 11:16

Aliyyenni daanno hoorraanchi ittisannohu nookkiha hasi'rinore baala assanno. Hexxonnitera biifado Israeelete gobba aana uurre ise hunate wolqano afi'ranno.

DAANIEELI 11:41

Hexxote gobbano horranno; tonne hige tonne kume manna shee gudanno. Edoomi, Moaabinna gatinohu Amooni manni angasinni gate fulanno.

DAANIEELI 8:9

Tenne shoolente buudda giddo mittichu aana wolu shiimu buudi fuli; kunni shiimu buudi wolqa wodiidira soojjaatiranna dancha hexxote gobba widira higge hala'litu.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

KIIRO 13:27

Muserano, «Soottonke gobba marre la'noommo; baattono adonna malawu wo'minote; hala'ladotenna shaqqadote; gobbate laalchino konneeti.

KIIRO 14:8

Kaaliiqi baxannonkeha ikkiro, hattenne adonna malawu wo'mino gobba haa're massannonke; iseno ninkera aannonke.

MARRO 11:9

Hakkunni gedensaanni, Kaaliiqi annuwa'neranna sirchinsara aara xaarinotera, hattenne malawunna ado lolakkanno baattora seeda diro heedhinanni.

MARRO 26:15

Qullaawa gollora gordoho heedhe kawa higge lai; mannakki Israeeleno maassi'ri; annuwankera ootto hexxo garinni, ninkera oottonketa tenne malawunna ado lolakkanno baatto maassi'rinke› yiiyye.

MARRO 26:9

Kawiichirano haa're abbinonke. Malawunna ado lolakkannota tenne shaqqado baatto uyinonke.

MARRO 27:3

Annuwa'ne Magani Kaaliiqi uyino'ne hexxo garinni, malawunna ado lolakkanno gobba iillitinanni yannara, konne seeranna roso tenne kinna aana borreesse.

MARRO 3:25

Xaano Yordaanoosira widoonni noota hattenne dancha baatto, xuma gaaraame gobbanna Libaanoosi ilaalla la"ammora fajjie» yee huucci'roommo.

MARRO 31:20

Adonna malawu lolahannota danchanna shaqqado baatto annuwansara aate xaaroommotewa haa're masseemmonsa yannara, itte duubbe kee'mituhu gedensaanni, ane mishshe gondooro'yano diigge, alba kaphu magannawa higge, insa magansidhanno.

MARRO 32:40

Hegerera hee'reemmoha ikka'yanni, anga'ya ale qole kayise xaareemmo.

MARRO 32:8

Wo'munkura Aliidi Magani, dagate heedhanno baatto beehinonsa. Mannu hee'rannowano badino; Israeelete ooso kiiro garinni dagate baattora danna worino.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.