HIZIQEELI 20:43 - Qullaawa Maxaafa

⁴³ Assitinoonniha saalsiisanno coyenna umo'ne assitine batteessitinoonni gara, hakkiicho qaagginanni; assitinoonni bunshenni kainohunni, umo'ne cee'mitinanni.

HIZIQEELI 20:43 ပူးပေါင်းရင်းမြစ်များ

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

ERMIYAASI 31:18

«Efireemi, ‹Kaaliiqa! Ninke leenjinshoonnikki booti gedeereeti; ati kayinni hajajammeemmo gede seejjoottonke. Ati Kaaliiqi Maganonke ikkootto daafira, atewa qolinke, ninkeno hingeemmona.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

HIZIQEELI 39:26

Insa waajjishannonsari nookkiha uminsa baattora keerunni heedhanno waro, kunni albaanni ane giwansanni shollitu gara habbanno.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HOOSEI 5:15

«Loossino sao egente anewa higga geeshsha insawiinni horonta fafe ha'reemmo. Assitino saonni qarru bati'rinsaro, miteekkite hasidhannoeha ikkanno» yii.

LUQAASI 18:13

«Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

LAYINKI QORONTOOSI 7:11

Maganu hedo garinni ikkino dadilli: hiittoo hixamanya, ki'nenee keereensi'rate hiittoo diinaggaawa, hiittoo hanqo, hiittoo waajja, hiittoo quqquxama, hiittoo laala, hiittoo qoricha mereero'ne wori! Kunni coyinni fayyaaleeyye ikkitinoonnita duuchunku garinni egensiissinoonni.