HIZIQEELI 20:38 - Qullaawa Maxaafa

³⁸ Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 20:38 ပူးပေါင်းရင်းမြစ်များ

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FAARSO 95:11

Hanqoommo daafira, «Fooliishshote gobba die'inanni» yee xaaroommo.

ERMIYAASI 29:32

Kunnira, ani Kaaliiqi Shemiyanna sirchosi qorichisheemmo. Manni'yara asseemmoha dancha coye afate sirchisi giddonni gatannohu dihee'ranno› yite layinki sokka soyi. Konne coye coyi'roommohu ani Kaaliiqaati» yii.

ERMIYAASI 44:14

Gibitsete heedhinara hadhinoonniri giddonni gatannohu dihee'ranno; galagaltine Yihudu gobba higate halchitinanniri giddonni lowo geeshsha shiimu manni callu xooqe fulanno» yii.

HIZIQEELI 11:21

Saalsiisannorenna tiyyi'nannire kaphu maganna magansi'ra baxanno manna kayinni qorichisheemmo. Assitinohura bushu coyi baalaho rabbisi'reemmonsa. Konne coye coyi'roommohu ani Mootichu Kaaliiqaati» yii.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 15:7

qorichisheemmo. Mitte giiranni gattino; xa kayinni wole giira ittannonsa. Insa qorichisheemmo yannara ani Kaaliiqa ikkoommota afatto.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 20:16

Togo yee xaaroommohuno, wodaninsa kaphu magannawa higino daafira, hajajo'ya diigge, seera'ya hunte Fooliishsho'ya Barrano batteessitinohuraati.

HIZIQEELI 20:34

Mittowa gamba asseemmo'ne; billaallitinoonni gobba baalantenni qole abbeemmo'ne. Jawaata anga'ya, wolqaataame cigile'yanna buwannohu hanqi'ya mageeshshihoro leellisheemmo'ne.

HIZIQEELI 23:49

Ki'ne lamenti roduuwi, akkimalle'nenninna kaphu maganna magansi'ratenni loossinoonni cubbira qorichisheemmo'ne. Ani Mooticha Kaaliiqa ikkoommota hakkawoyite affinanni» yii.

HIZIQEELI 6:7

Mannu darga baalaho reyanno yannara, lubbotenni noori kayinni ani Kaaliiqa ikkoommota affanno.

MILKIYAASI 3:3

Isi birra daashshe ximbiiwanno manchi gede ikke yoote ofollanno. Birranna culka daashshe ximbiiwannohu gede sokkaanchu Leewi sircho keereensanno. Hakkunni gedensaanni Kaaliiqi halaalaancho kakkalo shiqishanno manna afi'ranno.

MAATEWOOSI 3:12

Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.

UMI QORONTOOSI 10:5

Ikkollana Maganu insa giddonni lowo mannira dihagiidhino. Kunni daafira hakko manni reeshshi halallitte gobbara uwe gatino.

IBIRAAWOOTA 4:3

Maganu loosi kalqe kalaqi yannanni kayise loosame goofinoha ikkiro nafa, isi, «‹Ani eemmonsata fooliishshote gobba horontanni die'anno› yee hanqi'yanni xaaroommo» yiino. Ninke amma'ninoommori kayinni, Maganu aannonketa fooliishshote gobba e'neemmo.

IBIRAAWOOTA 4:6

Balaxxe fooliishshonniha Dancha Duduwo macciishshitinori hajajama giwansanni, Maganu aannonsata fooliishshote gobba die'ino. Ikkirono, hakkiira e'ara fajjinoonninsari mitu mitu manni no.

YIHUDA 1:5

Mootichu mannasi Gibitsete gobbanni asse fushshitanna gedensaanni ammana gibbinore huni gara affinoonniha ikkirono, qaagiissammo'nera hasi'roommo.