HIZIQEELI 20:34 - Qullaawa Maxaafa

³⁴ Mittowa gamba asseemmo'ne; billaallitinoonni gobba baalantenni qole abbeemmo'ne. Jawaata anga'ya, wolqaataame cigile'yanna buwannohu hanqi'ya mageeshshihoro leellisheemmo'ne.

HIZIQEELI 20:34 ပူးပေါင်းရင်းမြစ်များ

FAARSO 107:3

Allaggu gobbanni galagalche abbino'ne; soojjaatinninna galchiminni aliyyenninna wodiidinni gamba assino'ne.

ISAYAASI 31:3

Gibitsootu mannaho ikkinnina Magano di"ikkitino; faradinsano saadate ikkinnina ayyaana di"ikkino. Kaaliiqi hanqunnita angasi diriirsanno yannara, Gibitse gufidhanno; insawiinni kaa'lo agadhitannorino ubbanno; lamunku mitteenni ba'anno.

ERMIYAASI 31:8

Kune aliyye gobbanni abbeemmonsa; baattote qaccennino gamba asseemmonsa. Illiweelootu, naafootu, godowinni noorinna, gamaa'manni noori baalu ledonsa higanno; lowo gosa ikkite gobbansa higganno.

ERMIYAASI 32:37

Buwanno hanqi'yanninna aari'yanni billaallisoommonsa gobba baalatenni gamba asse abbe, keere heedhanno gede asseemmonsa.

ERMIYAASI 42:18

«Ani Israeelete Magani Olantote Mootichi Kaaliiqi ki'nera kuleemmo coyi, ‹Gibitsete gobba ha'ne hakkiicho hee'neemmo› yitiniro, kunni albaanni Yerusaalamete manni aana abboommo hanqonna aara ki'ne aanano abbeemmo. Mannu ki'ne aana ikkino coye lae masanno; la"anno'nehu baalu qacifatanno'ne; su'mi'neno rumonniha ikkanno. Konne darga layinkimeeshsho dila'inanni yoommo» yiinonsa.

ERMIYAASI 44:6

Kunni daafira, Yihudu katammaranna Yerusaalamete dooggara hanqo'yanna aara'ya dirrise giirantanno gede assoommo. Kune techo la'inanninte gede diigante mulla darga ikkite gattino.

ERMIYAASI QURTO 2:4

Isi diinu gede maxxasi, ninkera alba qo'lino; hexxinoommore baala shee gudi; hanqisino Yerusaalamete aana giirate gede buwi.

HIZIQEELI 11:17

«Qoleno, ani Mootichu Kaaliiqi billaallisoommo'ne baatto baalatenni daware abbeemmo'ne; Israeelete baattono galagalche eemmo'ne.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

HIZIQEELI 34:16

«Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.