HIZIQEELI 20:31 - Qullaawa Maxaafa

³¹ Techo nafa hakko gari fushshaate shiqishshinanni; ooso'ne giirate shilqishatenni hakkuri albi maganna kaphunnitenni umo'ne batteessitinanni. Konne baala assitinihu gedensaanni, ki'ne hedo'ya maatiro xa'me afate dagginanni. Ani Mootichu Kaaliiqi heeshshote Magano ikka'yanni xaareemmona, mittoreno xa'mitinaera dieemmo'ne.

HIZIQEELI 20:31 ပူးပေါင်းရင်းမြစ်များ

IYYOOBI 27:10

Wo'manka Dandaanno Maganinni tashshi yaannosini? Wo'manka woyite Magano huucci'rannoni?

IYYOOBI 27:8

Maganu hunisihunna lubbosi haa'rihu gedensaanni, maganiweelu manchiti hexxosi maati?

FAARSO 66:18

Wodani'yara cubbo maaxi'roommoha ikkoommero, Mootichu dimacciishshannoe.

LAWISHSHA 28:9

Seerasi ayirrisannokki manchi huuccatto, Maganoho battete.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 57:5

«Ki'ne qilxootu giddonna lattino haqqe hunda, foorrete yortonni giirantinanni; ooso'ne laggate giddonna kinchu godira kakkaltinanni.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

ERMIYAASI 19:5

Ani hede, coyi'renna hajaje egennoommokkiha ooso giirate shilqinshe Ba"aalira kakkallanniha kakkalote darga seekkitino.

ERMIYAASI 7:31

Hinoomi Lagichira Tofeeti yinanniha kakkalote darga seekkitine ooso'ne shilqote kakkalo assitine shiqishshinoonni. Kunino ani hajajoommohanna wodani'ya hedino coye di"ikkino.

HIZIQEELI 16:20

« ‹Hakkiinnino sa'e, anera iloottare oosonna seenne massite kaphu magannara kakkalootta. Anera ammanama hoogakki ajjeennahe,

HIZIQEELI 16:36

Imaanakki mulqidhe, foortanno mancho gede ellakkiranna tiyyi'nannirira kaphu magannakkira, manninatekki reqecci assootta; kaphu magannara kakkalate oosokki gorrootta.

HIZIQEELI 20:26

Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.

HIZIQEELI 20:3

«Koo manchi beetto, ani Mootichu Kaaliiqi yeemmore kunni mannira, ‹Hedo'ya affinara dagginoonni? Ani heeshshote Magano ikka'yanni xaareemmona, mittoreno xa'mitinaera dieemmo'ne; ani Mootichu Kaaliiqi konne coye coyi'roommo.

HIZIQEELI 23:37

Lamenti foorannoreetinna manna shaannoreeti; foorinohu kaphu maganna ledooti; shiinorino anera ilantino oosooti. Ooso'ya kaphu magannansara kakkalino.

HIZIQEELI 33:30

Kaaliiqi, «Koo manchi beetto, mannu katamu huxxi mulenna minnansa xullichira uurre, atere hasaawanni no. Insa insanaawano, ‹Amme Kaaliiqi techo ma coyi'rinoro Hiziqeeli xa'mine buunxona› yitanno.

AMOOTSI 8:12

Mannu aliyyenni wodiidi geeshsha, soojjaatinni galchimi geeshsha, baattotenna baaru aana raataawanno; Kaaliiqi qaale afi'rate ka'a kawa dodamanno; ikkollana diafi'ranno.

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.