HIZIQEELI 20:28 - Qullaawa Maxaafa

²⁸ Aammonsara xaaroommo baatto haa're abbummonsa yannara, seeddaanna gaarranna lattino haqqe la'ino; hakkuri aanano kakka'litino; fushshaate shiqishatenninna hixaana giiratenni hanqissinoe.

HIZIQEELI 20:28 ပူးပေါင်းရင်းမြစ်များ

UMI MOOTOOLLA 14:23

Wole gobba maganna magansi'nanni darga seekkidhu. Gaarrate aananna sinnaame haqqe hunda magansidhanno sooddiyyenna Asheera mokkollo uurrisidhu.

LAYINKI MOOTOOLLA 17:10

Gaarra baalate aananna haqqete hunda Asheera mokkollo uurrisi'ri.

LAYINKI MOOTOOLLA 17:12

Kaaliiqi magansidhannokki gede hoolinota kaphu maganna magansidhe seerasi diiggu.

LAYINKI MOOTOOLLA 17:9

Israeelete manni Maganinsa Kaaliiqi giwanno coye baala assino. Shiimu qachinni kayise lowo katami geeshsha gaarra baalate dagate maganna magansi'nanni darga seekki'ri.

ISAYAASI 65:7

Ilaallate aana hixaana giirtinonna, su'ma'ya shollishshino daafira, ani Kaaliiqi insa uminsanna akaakkansa cubbi daafira qorichisheemmo» yii.

ERMIYAASI 19:13

Yerusaalamennitinna Yihudu mootoolla minna, qolteno beeddahete hixaana giirranni minna, qalchuwanna kaphu magannara woyinete xajje fushshaate dunnanniwi baalu Tofeeti gede battaawinoha ikkanno» yii.

ERMIYAASI 2:7

Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.

ERMIYAASI 3:6

Iyosiyaasi moohe noo yannara Kaaliiqi anera, «Ammana xe'inoseti Israeele assiture afitto? Ise anewiinni baxxite seeddaanna ilaallanna lowiddaanna sinna batidhino haqqe baalate hunda marte foortino.

ERMIYAASI 32:30

Israeelennihunna Yihudu manni bi're hundinni kayise bunshe ikkinnina danchumma asse diegennino; assitino coyinni ane hanqissinoe.

HIZIQEELI 16:19

Fila bullee, ejersu zayitenna malawo sagalimmate oommohe. Ati kayinni kaphu maganna hagiirsiisate fushshaate assite shiqishootta. Konne coye coyi'reemmohu ani Mootichu Kaaliiqaati.

HIZIQEELI 16:24

doogga baalantera kaphu maganna magansi'rattatanna fooratta darguwa qixxeessi'rootta.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 20:29

Anino, ‹Hakkiichi hadhinanniwi gaaraame darguwa maati?› yee xa'moommonsa. Hakka warinni kayinse, ‹Kaphu maganna magansi'nanni Gaarra› yinanni.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

HIZIQEELI 6:13

Kuni manni, gaarrate aana seekkinoonni dargi kakkalonnihura, ilaallate birxera jajjabbanna hala'lado caale afidhino haqqe hunda kaphu magannara hixaana giiranno. Kayinnilla, reeshshu kakkalote dargi mule uwe nooha la"anno woyite, ani Kaaliiqa ikkoommota afanno.

LEEWAAWOOTA 17:5

Kunni daafira, Israeelootu kakkaltanno kakkalo anewa abba hasiissannonsa. Konneno qeesichunniwa Xaadu Dukkaniwa abbite anera mittimmate kakkalo assite shiqishsho ikkinnina xawoho mullawa gorritoonke.

IYYAASU 23:14

«Kuneeti ani mannu aalo ikkeemmo yanna iillitinoe. Magani'ne Kaaliiqi uyino'ne hexxo garinni assino'neha dancha coye baalanka ki'ne mittu mittunku godowi'nenni seekkitine egentinoonni; isi uyino'ne hexxo giddonni mitteno gattukkinni baalanti wo'mitanno.