HIZIQEELI 20:26 - Qullaawa Maxaafa

²⁶ Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.

HIZIQEELI 20:26 ပူးပေါင်းရင်းမြစ်များ

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI MOOTOOLLA 17:17

Tenne dagate magannara oosonsa seennenna labballo shilqote kakkalo assite shiqishshino. Kiilaanonna qaalloole mala xa'midhino. Kaaliiqi giwanno coyira umonsa sayisse uyite iso hanqissino.

LAYINKI MOOTOOLLA 21:6

Ilinoha beettosi shilqote kakkalo asse shiqishino. Qoleno kiilanninna hellee la"anni qaallichimmatenninna ekera hasaawisatenni hee'rannoha ikkino. Kunni garinni Kaaliiqi giwanno coye asse iso hanqisino.

LAYINKI DUDUWO 28:3

Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.

LAYINKI DUDUWO 33:6

Ilino oosono Hinoomi Lagichira shilqote kakkalo asse shiqishi. Qoleno kiilanninna hellee la"anni qaallooletenninna ekera coyishshiishshannori ledo ma'lino. Kunni garinni Kaaliiqa hanqissannota lowo bunshe loosino.

FULO 13:12

bayira beetto Kaaliiqira uyitinanni; saada'neti umi qallono Kaaliiqita ikkitanno.

ISAYAASI 63:17

Kaaliiqa, doogokkinni fulle ba'nanna mayira worte laittonke? Waajjineemmohekki gede wodananke mayira kaajjishitto? Soqqamaanokki ikkinoommoriwa mannikkiwa higinke.

ERMIYAASI 19:4

Togo asseemmohuno ane agurtinoehuraatinna, konne darga allagga magannaha assitino daafiraati. Insa, annuwansanna Yihudu mootoolla egentinokki magannara kakkaltino. Konne dargano keeraanote mundee duntino.

ERMIYAASI 19:9

Diinu katama doyisse amade shetisannonsa. Hatte yannara sagale hooggeenna mimmitinsa maala ittanno. Wole agurreenna oosonsa maala nafa ittanno› yite kuli» yiie.

ERMIYAASI 32:35

Labballonna seenne oosonsa Molooki yinanni maganira kakkaltara Hinoomi Lagichira Ba"aalira kakkalote darga seekkitino. Ani togo asse diyoommonsa; togo assite Yihuda cubbu giddora eessitanno yee dihedoommo» yee dawarie.

ERMIYAASI 7:31

Hinoomi Lagichira Tofeeti yinanniha kakkalote darga seekkitine ooso'ne shilqote kakkalo assitine shiqishshinoonni. Kunino ani hajajoommohanna wodani'ya hedino coye di"ikkino.

HIZIQEELI 20:12

Qullaawoota asseemmonsahu ane ikkoommota affara, Fooliishshote Barra ayirrisansa anenna insa mereero noo gondoorira malaate ikkitanno gede assoommo.

HIZIQEELI 20:20

Ani ki'ne ledo eoommo gondoorira malaate ikkanno'ne gedenna, ani Kaaliiqi Magano'ne ikkoommota qaagiissanno'ne gede Fooliishshote Barra ayirrisse› yee kuloommonsa.

HIZIQEELI 20:30

Xaano ani Mootichu Kaaliiqi yeemmore Israeelete: Annuwa'ne assitino cubbo baala assatenni umo'ne mayira batteessitinanni? Tiyyi'nanni maganna insate hoode mayira doddinanni?

HIZIQEELI 20:31

Techo nafa hakko gari fushshaate shiqishshinanni; ooso'ne giirate shilqishatenni hakkuri albi maganna kaphunnitenni umo'ne batteessitinanni. Konne baala assitinihu gedensaanni, ki'ne hedo'ya maatiro xa'me afate dagginanni. Ani Mootichu Kaaliiqi heeshshote Magano ikka'yanni xaareemmona, mittoreno xa'mitinaera dieemmo'ne.

HIZIQEELI 23:37

Lamenti foorannoreetinna manna shaannoreeti; foorinohu kaphu maganna ledooti; shiinorino anera ilantino oosooti. Ooso'ya kaphu magannansara kakkalino.

HIZIQEELI 6:7

Mannu darga baalaho reyanno yannara, lubbotenni noori kayinni ani Kaaliiqa ikkoommota affanno.

LEEWAAWOOTA 18:21

Oosokki giddonni mittono Molooki yinanni maganira kakkallara uyitooti; togo assatenni ane Maganikki su'mano shollishshooti. Ani Kaaliiqaati.

LEEWAAWOOTA 20:2

«Israeelete mannira, ‹Oososi Molookira kakkalannoha, Israeelichano ikko manni gobba mancho mannu baalu kinnatenni gane shoona.

LUQAASI 2:23

Hatto assitinohu Mootichu Seerira, «Umo ilaminohu labbaa beetti baalu Mootichaho uyineenna qullaawa ikkanno» yine borreessinoonni hajajo noo daafiraati.