HIZIQEELI 20:23 - Qullaawa Maxaafa

²³ Kunnira, halalla moola baattora heedheenna, gobba baalate billaalliseemmonsata xaare kuloommonsa.

HIZIQEELI 20:23 ပူးပေါင်းရင်းမြစ်များ

FAARSO 106:27

Sirchonsa baala dagate mereero billaallisannotanna, manni gobbara reyitannota egensiisinsa.

FAARSO 44:11

Ge'reewu gede gorramate sayisse oottonke; dagate giddono billaallisoottonke.

ERMIYAASI 15:4

Hiziqiyaasi beetti Minaase Yihudaho moohi yannara, Yerusaalamete assino bunshe daafira, aanansa daanno coyinni daga baala massanno.

HIZIQEELI 11:16

«Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

HIZIQEELI 20:15

Kunnira, halallitte gobbara heedheenna, oommonsate malawunna ado lolakkannota roore baatto iillisheemmonsakki gede xaaroommo.

HIZIQEELI 22:15

Mannakki gobba baalatenna gosa baalate mereero billaalliseemmo; bushu loosikki hakko gawa'lanno.

HIZIQEELI 44:12

Kayinnilla insa uminsa kaphu maganna magansi'rate wogara umire ikkatenni manna cubbu giddora eessitino daafira, qorichisheemmonsa gede, ani Mootichu Kaaliiqi xaareemmo.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

MARRO 32:40

Hegerera hee'reemmoha ikka'yanni, anga'ya ale qole kayise xaareemmo.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.