HIZIQEELI 20:13 - Qullaawa Maxaafa

¹³ Ikkollana, halallitte gobbara heedhenni ane gibbinoe; agadhanno baalira heeshsho uyitannota hajajo'yanna seera'ya huntino. Fooliishshote Barrano batteessitino; hakkiicho halallitte gobbarano hanqo'ya leellishe hunammonsara kaoommo.

HIZIQEELI 20:13 ပူးပေါင်းရင်းမြစ်များ

LAYINKI SAAMUEELI 12:9

Hajajo'ya mayira mishittoyya? Konne busha coyeno mayira assitto? Ooriyo olunniwa shiishiishootto. Amoonootu shitannosi gede assootto; galtesino adhootto.

LAYINKI DUDUWO 30:7

Affininte gede Maganinsara Kaaliiqira ammanama gibbeenna bararraanqanni coye assinonsari annuwa'nenna roduuwi'ne gede ikkitinoonte.

NEHIMIYA 13:17

Anino Yihudu gashshaano, «Kuni assitinannihu bushu coyi maati? Fooliishshote Barra mayira batteessitinanni?

FULO 32:10

lowo geeshsha aaramoommo daafira, konne manna huneemmona agurie; atenna ate godowa kayinni bati'ra gosa asseemmo'ne» yiisi.

FULO 32:8

Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

LAWISHSHA 1:25

Amaale'ya baala mishshinoonni; seejjo'yano diadhitinoonni.

LAWISHSHA 13:13

Kulloonni amaale mishannohu umosi hunanno; hajajo ayirrisannohu kayinni ba'raa'ra afi'ranno.

ISAYAASI 56:6

Kaaliiqi manni gobbanni dagge, isiwa gamba yite baxxannosirenna soqqantannosire, mishshukkinni Fooliishshote Barrasi agadhitannore,

ISAYAASI 63:10

Insa kayinni Qullaawa Ayyaanasi dadillissino; kunnira isinni qole diina ikke gawajjinonsa.

ERMIYAASI 7:24

Annuwa'ne kayinni macciishsha gibbinoe. Bushunna haxawarru wodaninsa hedannore assitino. Ani alba higge hadhanno gede hedummoro, insa kayinni badhe higge hadhanno.

HIZIQEELI 20:11

Agadhanno baalira heeshsho uyitannota hajajo'yanna seera'ya oommonsa.

HIZIQEELI 20:14

Ikkollana, Israeele Gibitsete gobbanni haa're fushshannansa lai manni albaanni su'mi'ya arrassamannota giwoommo daafira hatto diassoommo.

HIZIQEELI 20:16

Togo yee xaaroommohuno, wodaninsa kaphu magannawa higino daafira, hajajo'ya diigge, seera'ya hunte Fooliishsho'ya Barrano batteessitinohuraati.

HIZIQEELI 20:21

«Ikkollana, hatti ilamano ane gibbinoe; agadhanno baalira heeshsho aannoha seera'yanna hajajo'ya diayirrissino. Fooliishshote Barrano batteessitino; halallitte baattora heedheenna hanqo'ya insara leellishe baalanka hunammora kaoommo.

HIZIQEELI 20:24

Togo assoommohuno, hajajo'ya mishshinohura, seera'ya diigginohura, Fooliishshote Barra batteessitinohuranna akaakkansa magansidhinota kaphu maganna magansidhinohuraati.

HIZIQEELI 20:36

Halallitte gobbara Siina, annuwi'nera yoo yuummonte gede, ki'ne aanano yoo yeemmo. Konne coye coyi'roommohu ani Mootichu Kaaliiqaati.

HIZIQEELI 20:8

Ikkollana, anera haxawarrite hajajo'ya macciishsha gibbino; tiyyi'nannita misillansano dihuntino; woy Gibitsennita kaphu maganna magansi'ra diagurtino. Kunnira, Gibitsete heedhu yannara, hanqo'ya leellishammonsara hedoommo.

HIZIQEELI 22:8

Qullaawa uduunne'ya lageessitinoonni; Fooliishshote Barrano shotissinoonni.

HIZIQEELI 23:38

Insa assino sao tenne calla di"ikkitino; hatte yannara, Qullaawa Mine'yano batteessino. Ani hirqoommoha Fooliishshonniha Barra'ya diigino.

LEEWAAWOOTA 18:5

Woga'yanna seera'ya agadhe; konne assitiniro, lubbotenni heedhinanni. Ani Kaaliiqi Magano'neeti.

LEEWAAWOOTA 26:15

woga'ya mishshiniro, seera'ya shotissinironna hajajo'ya baalantanni wonsha giwatenni gondooro'ya diigginiro kayinni,

LEEWAAWOOTA 26:43

Ikkollana kayinni balaxxe baatto insa agurte hadhino daafira mulla gattanno; insa nookki yannara mulla gatte addita fooliishshote dirra assidhe hagiidhitanno; seera'ya gibbino daafiranna woga'ya mishshino daafira cubbinsa qoricha adhitanno.

AMOOTSI 2:4

Kaaliiqi, «Yihudu manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa seera'ya huntino; hajajo'yano diagadhitino. Insano, annuwansa magansidhinoti kaphu maganna so'risiissinonsa.

KIIRO 14:22

halallitte gobbara assoommonsa maalale affanni heedhenni hajajama gibbe batinye higge fonqoltinoe.

KIIRO 14:29

Kiirroonni'ne garinni lemuu dirinna hakkuyi aliri baalu anera gunguntinoonni daafira reeshshi'ne konne halalla uwanno.

KIIRO 16:45

«Konne manna mitte hige gude agureemmona ka'a shiqqi yiiyye» yiisi. Musenna Aarooni kayinni baattote aana gombisante Kaaliiqa huuccitu.

ROOMU SOKKA 10:5

Seera agadhatenni afi'nanni keeraanchimma daafira Muse borreessinohu, «Seera agadhannohu lubbotenni hee'ranno» yaanno.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

MARRO 9:7

«Magano'ne Kaaliiqa halallitte baattora hanqissinisita qaagge; horonta habbinoonte. Gibitsetenni fultini barrinni kayissine techo geeshsha Kaaliiqira maahoyye gibbinoonni gedeenni kawiichira iillitinoonni.

MARRO 9:8

Siina Kaaliiqa hanqoho kakkayissinoonni; isino ki'ne hunara lowo geeshsha hanqino.

UMI TESELONQE 4:8

Kunnira tenne seejjo giwannohu, manna giwannoha ikkikkinni Qullaawa Ayyaanasi aanno'neha Magano giwinoho.

UMI SAAMUEELI 8:8

Gibitsete baattonni fushshummonsa barrinni kayisse, ane agurte wole maganna magansidhunte gede ate aanano tenne assitanni no.