HIZIQEELI 20:12 - Qullaawa Maxaafa

¹² Qullaawoota asseemmonsahu ane ikkoommota affara, Fooliishshote Barra ayirrisansa anenna insa mereero noo gondoorira malaate ikkitanno gede assoommo.

HIZIQEELI 20:12 ပူးပေါင်းရင်းမြစ်များ

KALAQAMA 2:3

Maganu kalaqate loososi baala gude fooliishshi'rino barra ikkino daafira, lamalki barra maassi're baxxinoha assino.

NEHIMIYA 9:14

Qullaawa Fooliishshote Barrakkino ayirrissanno gede rosiisoottonsa; soqqamaanchikki Muse widoonni amanyootekki, hajajokkinna seerakki oottonsa.

FULO 16:29

Fooliishshote Barra oommo'neta affe; kunni daafira, leelki barra 2 barrira ikkitanno sagale oommo'ne; lamalki barra, ayino noowiinni kae hajamoonke» yii.

FULO 35:2

Lee barra loosidhe; lamalki barra kayinni fooliishshidhinanni gede Kaaliiqi qullaawa assino; kunni barrinni loosi'ranno mancho shinona.

ISAYAASI 56:2

Konne coye assannohunna seekke cu'mi'rannohu, mishikkinni Fooliishshote Barra ayirrisannohu, angasi bunshe loosatewiinni agadhannohu maassaminoho» yii.

ERMIYAASI 17:22

Minna'nenni Fooliishshote Barra duha dukkine fultinoonte. Fooliishshote Barra mittoreno loossinoonte. Akaakka'nera kuloommo garinni konne barra qullaawa assitine agadhe!

HIZIQEELI 20:20

Ani ki'ne ledo eoommo gondoorira malaate ikkanno'ne gedenna, ani Kaaliiqi Magano'ne ikkoommota qaagiissanno'ne gede Fooliishshote Barra ayirrisse› yee kuloommonsa.

HIZIQEELI 20:26

Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.

HIZIQEELI 37:28

Qullaawu Mini'ya mereeronsa hegere geeshsha hee'ranno gede asseemmo yannara, anera qullaawa manna'ya ikkitanno gede, Israeele doodhoommohu ani Kaaliiqa ikkoommota daga affanno» yee coyi'rie.

HIZIQEELI 44:24

Aye seeri giddono moronsiisanno coyi ka"anno yannara, qeesootu Seeri'ya garinni taashshitona. Seeri'yanna woga'ya garinni, amma'note ayyaanna ayirrissona. Fooliishshote Barra'ya qullaawa assite agadhitona.

LEEWAAWOOTA 20:8

Qullaawoota asseemmo'nehu ani Kaaliiqaatina, woga'ya agadhe; yoommoreno wonshe.

LEEWAAWOOTA 21:15

Hoolloonnita adhe ga'resi giddo oososi lageessoonke. Iso qullaawa asseemmohu ani Kaaliiqaati› yite kulinsa» yii.

LEEWAAWOOTA 21:23

Muso afi'rino daafira, Qullaawa Mine'ya lageessannokki gede Qullaawu Holgi mule noo dukkowa shiqqi yoonke; woy kakkallanni dargira shiqqi yoonke. Qeesoota qullaawoota asseemmonsahu ani Kaaliiqaati› yite kulisi» yii.

LEEWAAWOOTA 21:8

Magani'neta fushshaatu sagale shiqishannohona, qullaawa assitine kiirresi; qullaawoota asseemmo'nehu ani Kaaliiqi qullaawahona qullaawa assitine kiirresi.

LEEWAAWOOTA 23:24

«Israeeloota, ‹Lamalki aganira umi barri addiha fooliishshote barra ikko'ne; hakko barri buudu xurumbinni ayirrinsanni ayyaana qullaawa ikko'ne.

LEEWAAWOOTA 23:3

Looso loosidhinannihu 6 barri noo'ne; lamalkihu kayinni Fooliishshote Barraati. Magansi'rate xaaddinanni barraatina hakko barra mittoreno loossinoonte. Kuni barri aneha ikkino daafira qullaawaho. Kunnira, heedhinanni darga baalaho kuni Fooliishshote Barri aneho.

LEEWAAWOOTA 23:32

Kuni ki'nera Fooliishshote Barra ikkinohura, sagale ittinikkinni aganunni honsikki barra hashshinni kayissine layinki hashshi geeshsha fooliishshote barra'ne ayirrisse» yii.

LEEWAAWOOTA 23:39

«‹Baatto'ne laalcho gamba assidhinihu gedensaanni, lamalki aganira tonaa ontikki barrinni kayissine, 7 barra ane ayyaana ayirrisse; umihanna settikkiha addi barra fooliishshonniha assidhe.

LEEWAAWOOTA 25:4

Lamalki diri kayinni, Mootichaho fooliishshote diro ikkeenna, baattoteno fooliishshote diro ikkanno; kunni dirinni, gate'ne loosidhinoonte; woyinete kaashshono quuxidhinoonte.

QOLASIYAASI SOKKA 2:16

Kunni ka'a itunni woy agunni, ayyaanna woy aganu fulanno ayyaana woy Fooliishshote Barra ayirrisate daafira ayino bushiishoonke'ne.

UMI TESELONQE 5:23

Keeru Magani baalunku coyinni qullaawoota asso'ne. Ayyaani'ne, lubbo'ne, mannimma'ne baala, Mootichinke Yesuusi Kiristoosi daanno yannara mishama nookkiha agarante heedho.

YIHUDA 1:1

Yesuusi Kiristoosi soqqamaanchi, Yaiqoobi rodii ani Yihudi. Woshshinoonni'nerira, Maganu Annu baxino'nerira, Yesuusi Kiristoosi agarino'nerira baalaho: