HIZIQEELI 20:1 - Qullaawa Maxaafa

¹ Qafadammummohunni lamalki diro, ontikki aganira, tonnikki barra, shiimu Israeelete manni albisooti Kaaliiqi hedo xa'me afate anewa daye alba'yaanni ofolli.

HIZIQEELI 20:1 ပူးပေါင်းရင်းမြစ်များ

LAYINKI MOOTOOLLA 3:13

Elsaino Israeelete mootera Iyoraamira, «Anewa mayira daatto? Hadhe annikkinna amakki himanaano xa'mi'ri!» yiisi. Moote Iyoraamino daware, «Dihattootiwe! Ninke sasenka mootoolla Moaabi angara sayise aara haa're abbinohu Kaaliiqaati» yii.

LAYINKI MOOTOOLLA 6:32

Isino Elsai haa're abbanno mancho soyi. Hatte yannara Elsai minisira dayino geerri ledo ofolle no. Mootete soqqamaanchi hakkiira iillara rahe hee'reenna Elsai geerraho, «Hakku mundeete angahu ane shaara manna soyino! Soyinohuno kune dayinona eannokki gede mine cuffe; mooteno badheenni hoodesi daanni no» yiinsa.

ISAYAASI 29:13

Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

ISAYAASI 58:2

Insa kayinni barru barrunkunni hasidhannoe; doogo'ya afate halchitanno. Halaale loosino manninna, Maganinsa seera agurtinokkiri gede, halaalaancho yoo xa'midhannoe; ane Maganinsawa shiqqi yaa baxxanno» yii.

ERMIYAASI 21:2

«Baabilooni moote Nabukadanatsoori qasankeraatina, hanni Kaaliiqi bi're gede maalale loose iso badhera qolannonkeha ikkiro xa'minke» yiie.

ERMIYAASI 37:17

Shiima yanna gedensaanni moote Sedeqiyaasi soye woshshiishe, «Kaaliiqi kulinohe coyi nooni?» yee calli'ya hee'reenna xa'mie. Anino, «Ee no» yee dawarummosihu gedensaanni lede, «Ati Baabilooni moote angara eatto» yoommosi.

HIZIQEELI 1:2

Kuni coyi ikkinohu, moote Yoakiini qafadamihunni ontikki dirooti.

HIZIQEELI 20:2

Hatte yannara Kaaliiqi,

HIZIQEELI 24:1

Qafadammummohunni honsikki diro, tonnikki aganira, tonnikki barra, Kaaliiqi,

HIZIQEELI 26:1

Qafadammummohunni tonaa mitikki dirinni aganaho umi barra Kaaliiqi,

HIZIQEELI 29:1

Qafadammummohunni tonnikki diro, tonnikki aganira tonaa layinki barra Kaaliiqi,

HIZIQEELI 29:17

Qafadammummohunni lemiina lamalki diro, umi aganira umi barra Kaaliiqi,

HIZIQEELI 30:20

Qafadammummohunni tonaa mitikki diro, umi agani eihunni lamalki barra Kaaliiqi,

HIZIQEELI 31:1

Qafadammummohunni tonaa mitikki diro, sayikki agani eihunni umi barra Kaaliiqi,

HIZIQEELI 32:1

Qafadammummohunni tonaa layinki diro, tonaa layinki agani eihunni umi barra Kaaliiqi,

HIZIQEELI 40:1

Qafadammummohunni lemiina ontikki diro, Yerusaalame diinu angara e'uhunni tonaa shoolki diro, haaru diri eihunni tonnikki barra, jawaata Kaaliiqi wolqa anewa daggu; isino iima qole haa're ha'rie.

HIZIQEELI 8:1

Qafadammummohunni leelki diro, leelki aganira ontikki barra, Yihudunni qafadamino manni albisooti ane ledo mine'ya heedheenna, Mootichu Kaaliiqi wolqa hedeweelcho anewa daggu.

HIZIQEELI 8:11

Saafaani beetti Azaaniya ledo hee'ranna, 70 Israeelete geerri hakkiicho no. Mittu mittunku hixaana giirranni baccicho anga amade no; hixaanuno wiliilanni no.

MAATEWOOSI 22:16

Rosaanonsa Heeroodisi manni ledo Yesuusiwa sokke, «Rosiisaancho, ati halaalaancho ikkoottotanna Maganu doogo halaalunni rosiisattota egenninoommo. Manna waajjite assatto coyi dino; mannahono godowa dihosatto» yituhu gedensaanni,

LUQAASI 10:39

Isera Maariyaami yinanni rodoo noose. Maariyaami Mootichu lekka mule ofolte rosiisannore macciishshitanni no.

LUQAASI 2:46

Sasu barri gedensaanni Qullaawa Mine affusi; hakkiicho Ayihudete rosiisaano mereero ofolle macciishshanninna xa'manni no.

LUQAASI 8:35

Mannuno tenne ikkito la"ara Yesuusiwa dayi. Durriisu amadino manchi wodanu higeennasi hure uddano uddi're Yesuusi lekka mule ofolle nooha affe waajjitu.

SOQQAMAASINETE LOOSO 22:3

«Ani Kiliqiyaho Xerseesi Katamira ilamoommo; ilama'yano Ayihudete. Lophoommohu kayinni kunni Yerusaalamete Katamiraati. Rosiisaanchi'yano Gamaaliyaaliiti. Annuwanke Seerano seekke rosoommo. Techo ki'nente gede Maganoho laalaate soqqameemmoho.