HIZIQEELI 19:7 - Qullaawa Maxaafa

⁷ Qiisho hiiqqaqqi; katammano diigi; isi ittananni kainohunni, baattote aana noo manni baalu masi.

HIZIQEELI 19:7 ပူးပေါင်းရင်းမြစ်များ

LAYINKI MOOTOOLLA 23:33

Mitto barra Gibitsete moote Nikau Yerusaalamete moohannokki gede Iyoakaazi amade Haamaati gobba Ribila yinanniwa masse cagaagetenni usurisi. Mootimmasi kunni garinni gooffino. Yihudu mannino 3,400 kiilo birra, 34 kiilo culka giwire aannosi gede assi.

LAWISHSHA 19:12

Mootete hanqi doobbiichu ittana gedeeho; mootete albaanni ayirrinye afi'ra kayinni hayissote aani loji gedeete.

LAWISHSHA 28:3

Buxane gadadisanno gashshaanchi, gide huntanno barada gedeeho.

ERMIYAASI 22:17

Ati beebbaataamo shaanna, manna gadadisalla egennootto; illekkinna wodanikki hanaaqunni jiro gamba assi'ralla hassanno.

HIZIQEELI 12:19

Tini ajuujano xa gobbansara heedhannorira Yerusaalamete mannira, Mootichu Kaaliiqi leellishinota ikkitino gede manna baalaho kuli. Insano ittanno woyite massanno; agganno woyiteno qece yite huxidhanno. Hakko hee'rannohu baalu seerimale ikkinohura baattonsa mulqantanno.

HIZIQEELI 19:6

Lophihu gedensaanni, wolu doobbiyi ledo ugaaxete ha'ri; isino manna ugaaxe ita rosi.

HIZIQEELI 19:8

Daga iso qasate gamba yitu; mannu baalu dargu dargunkunni dayi; ugaaxennita woshshaadonsa worte amaddusi.

HIZIQEELI 22:25

Albisootinsa, shiino saada gaangeesse itanno doobbiyi gedeereeti; mannano mararro nookkiha shitanno. Woxeno ikko wole jajja affure baala adhitanno; manna shaansa lowo meento galtiweelo assitino.

HIZIQEELI 30:12

Abbayi Waa mooshsheemmo; Gibitseno bushu mannira sayise eemmo. Kunnira, allaggu gobba gudisse huntanno. Ani Kaaliiqi konne coye coyi'roommo» yii.

HIZIQEELI 34:4

Daafurinore ditowattinoonni; dhiwaminore dixagissinoonni. Hiiqqaminore disissitinoonni; billaallinore gamba diassitinoonni; bainore dihassinoonni. Hatto assa agurtine, wolqatenninna jaddotenni ce'inoonninsa.

HIZIQEELI 45:8

Kuni qoqqowi Israeelete gashshaanchira iqqa ikkanno. Hakkiinni sae manna okka dihasiissannosi; gattino baatto baala Israeelete ga'rera agura hasiissannosi.

AMOOTSI 6:8

Wo'manka Dandaannohu Mootichu Kaaliiqi, «Israeelete manni naaxxa giwisinoe; qinaado minna'neno tiyyi'roommo. Kunnira katamanna, katamu giddo heedhannore baala, diinaho sayise eemmo» yee su'misinni xaarino.

MIKIYAASI 1:2

Ki'ne daga konne coye macciishshe. Uullate aana heedhinanniri baalunku wodanche. Ayirradu Kaaliiqi ki'ne aana naqqasanno. Qullaawu Minisi giddo hee're coyi'ranno.