HIZIQEELI 18:7 - Qullaawa Maxaafa

⁷ Ayeno didoganno; woy aye jajjano wolqatenni diadhanno. Woxe liqiissanno woyite amadisiinsoonnisire baala qolanno; hudi'rinoha itisanno; kallinoha uddisiisanno.

HIZIQEELI 18:7 ပူးပေါင်းရင်းမြစ်များ

NEHIMIYA 5:10

Mannu anewiinni woxeno ikko gide liqii'ranno gede fajjoommonsa; fiixi'yanna soqqamaano'yano liqiissitannonsa. ‹Kunni ka'a, liqiidhinoonniha uuyyenke› yine yaa'na heedhoonke.

IYYOOBI 22:6

Roduuwikkiwiinni amadote adhootto imaana gatisidhe, mulloota gatisoottonsa.

IYYOOBI 24:3

Anniweelo ooso harre wolqatenni adhitanno; galte shii'rino meenti handa amadote adhitanno.

IYYOOBI 24:9

«Bushu manni, anniweelo qaaqqo unuunu qarrinni wolqatenni adhanno; qarraataammu ooso amadote adhanno.

FAARSO 112:4

Maaro, shaqqillenna sumbe afidhinorira danchuullu mannira, tunsichu giddo xawaabbu fulannonsa.

FAARSO 112:9

Buxanete calla aanno; shaqqillisirano dannu dino; wolqanna ayirrinye haraqi'ranno.

FAARSO 41:1

Gadadaammu daafira xissiisi'rannohu ba'raa'rinoho; Kaaliiqi qarru barra gatisannosi.

FULO 22:25

«Manni'ya giddonni ledo'ne hee'ranno buxichira liqiissitiniro, qallo adhitinoonte.

FULO 22:26

Mittu manchi imaanasi amadisiisi'nero, arrishsho e'ukkinni qollesi.

FULO 23:9

Ki'neno Gibitsete gobbara manni gobba manna ikkitine heedhinoonni daafira, qarrammanni gara affinoonnina, manni gobba manna gadadissinoonte.

LAWISHSHA 14:31

Buxane qarrisa Kalaqinonsaha xonate; gadadaamma marara kayinni iso ayirrisate.

LAWISHSHA 28:27

Buxichoho aannohu dihooganno; alba shawwu yee sa"annohu kayinni rumamanno.

LAWISHSHA 28:8

Qallotenninna hanaaqunni jiro gamba assi'rannohu, buxane mararannohura qixxeessanno.

LAWISHSHA 3:31

Beebba assanno mancho hinaassooti; isi ha'rannota busha doogo hadhooti.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 33:15

Halaalenna taalo coyi'rannohu, hanaaqu jiro baxannokkihu, gubbo itannokkihu, manna shaate malira xaadannokkihu, busha coye la"a giwannohu,

ISAYAASI 5:7

Kuni Olantote Mootichi Kaaliiqihu, woyinete dargi Israeelete mannaati; Yihudu mannino isi kaasi'rino woyineeti. Isi keeraanchimma assitanno yee agadhe hee'reenna, insa kayinni shitannore ikkitino. Taashshitanno yee hede hee'reenna, manna gadadisse raashshiishshino.

ERMIYAASI 22:3

«Taalonna halaale loosse; ku'u ko'onne gawajjannokki gede agarre. Manni gobba manna, annanna ama afidhinokkirenna galte shii'rino meento gadadissine tootayyeessitinoonte. Tenne gobbara beebbaataamu manchi mundee duntinoonte.

HIZIQEELI 16:49

Soddoomunna seennise duushshitino sagale afi're qarru nookkiha keere hee'rinohura naaxxino; buxanenna qarrantinore dikaa'lino.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 18:16

Ayeno dimiicanno; woy manni jajja wolqatenni diadhanno; woxe liqiissanno woyite amadote adhinore digatisi'ranno. Hudi'rinoha itisanno; kallinoha uddisiisanno.

HIZIQEELI 18:18

Annisi kayinni hanaaqunninna wolqatenni manna baala beebba assi'rino; kunnira, isi umisi loosino cubbinni reyino.

HIZIQEELI 33:15

lawishshu gedera, liqoote amadinore qoliro, moorinore annaho qoliro, cubbo loosa agure heeshsho uyitanno hajajo agadhiro, lubbotenni hee'ranno ikkinnina direyanno.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

LEEWAAWOOTA 19:13

« ‹Manna hanaaqqinoonte; gantine adhitinoonte; loosino'ne manchi hunkii ki'newa hashsha galoonke.

LEEWAAWOOTA 19:15

« ‹Halaale dawissinoonte; buxichoho godowa hossinoonte; dureessa waajjitinoonte; manna taashshitine la'e.

LEEWAAWOOTA 25:14

Fiixi'ne giddonni mittu baatto hidhiro woy hiriro, ku'u ko'onne dogoonke.

AMOOTSI 2:6

Kaaliiqi, «Israeelete manni marro marro hige loosino cubbi daafira, mararro nookki kaajjillinni qorichishummokkinni diagureemmo. Insa asale qola dandiinokkiha beebbaataamonna koattete waaga baata dandiinokkiha buxicho mancho borojjimmate hirtino.

AMOOTSI 2:8

Asale baata dandiitannokki buxane aaninni uddano amadote adhitanno. Kakkalo shiqishshanno darga baalawa hattenne uddano diphite goxxanno. Asalaasinete anganni murote adhitinota woyinete xajje abbite Maganinsa mine agganno.

AMOOTSI 3:10

Kaaliiqi, «Kuni manni danchare assa diegennino. Wolqatenninna beebbatenni adhitino jajja, kinchunni huxxinoonni katammara wonshidhanno.

AMOOTSI 6:3

Ki'ne, «Bushu barri rahe didaanno» yitine heddine barshe loossinanni.

MIKIYAASI 2:1

Goxxe heedhe bunshenna xagarro maltannorira aanne'e! Hashshinohu soodeenna woyyitino yanna afidhuro heddinore assitanno.

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.

MILKIYAASI 3:5

Olantote Mootichi Kaaliiqi, «Yoo yaammora ki'newa dayemmo. Bitaammu, foortannori, kaphunni naqqassannori, loossinonsari hunkee gatisidhannori, galte shii'rino meentonna annanna ama afidhinokki ooso qarrissannori, manni gobba manniha halaale dawissannorinna ane waajjitannokki manni aana rahe naqqaseemmo.

LUQAASI 3:11

Isi qole, «Lame uddano afi'rinohu, mitte hooginohura oo. Sagale afi'rinohuno hooginohura beehona» yiinsa.

MARRO 24:17

«Manni gobba mannira woy annu nookki oosora halaale beeshshitinoonte. Gunnittete imaana amadote adhitinoonte.