HIZIQEELI 18:4 - Qullaawa Maxaafa

⁴ Mittu mittunku manchi lubbo anete; annunnitino beettunnitino anete; cubbo loosanno manchi umisilla reyanno.

HIZIQEELI 18:4 ပူးပေါင်းရင်းမြစ်များ

LAYINKI MOOTOOLLA 14:6

Ikkollana Seeru Maxaafi Musehura, «Annuwa oosonsa cubbi daafira, ooso annuwansa cubbi daafira yine shinoonke; mittu mittunku umisi cubbi callunni reyanno» yine borreessinoonni garinni oosonsa dishiino.

IYYOOBI 21:20

Baonsa insa illensanni affo! Wo'manka Dandaanno Maganiha hanqisi finiincho cingiishshidho!

IYYOOBI 8:4

Oosokki isi aana sao assitinoha ikkiro, insa saonsara malinore adhitino.

ISAYAASI 42:5

Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,

ISAYAASI 57:16

Ani manna'ya wo'manka woyite dibushiisheemmo; wo'manka woyiteno dihanqeemmonsa. Hatto assoommoha ikkoommero, kalaqoommo manni goofe hoogino.

ERMIYAASI 31:30

Hatti gatteenna, shiishshino laalo itanno baalira, umisi hinkolla shilli yitanno; mittu mittunku umisi cubbinnilla reyanno» yii.

HIZIQEELI 18:20

Reyo hasiissannohu cubbo loosanno manchootilla; beettu annu cubbira diqorichishamanno. Annuno beettu cubbira diqorichishamanno; danchu manchi danchummasinni dancha waaga adhanno. Bushu manchino bunshesinni qorichishamanno.

HIZIQEELI 18:3

«Ani Mootichu Kaaliiqi heeshshote Magano ikka'yanni xaareemmona, konne maammaashsha Israeelete kunni ka'a leddine dimaammakkinanni.

HIZIQEELI 18:5

«Danchu suwashshunna ammanamino manchi hee'riro,

HIZIQEELI 3:18

Bushu manchi cubbisinni kainohunni reyannota kuleemmosi yannara, reyotenni gatate bushu loosisinni higanno gede qorophisiisa hoogittosiro, isi cubbisinni reyanno. Isi reyora ate xa'meemmohe.

HIZIQEELI 33:8

Bunshe loosannohu halaalinta reyanno yeemmo yannara, ati busha loososi aguranno gede qorophisiisa hoogittoro, hakku manchi cubbisinni reyanno. Reyosira kayinni ati xa'mamatto.

ZAKKAARIYAASI 12:1

Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

KIIRO 27:16

«Mannu baalunkura lubbo woroottohu Mootichu Kaaliiqi konne manna massagannoha wori.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

GALATIYU SOKKA 3:22

Ikkollana, Maganu qaali yaannonte gede, mannu baalu cubboho hirame cubbu usuranya ikkino. Yesuusa Kiristoosa amma'natenni afi'nanni hexxono amma'nitinorira calla uyinanni.

MARRO 24:16

«Annanna ama oosonsa daafira, oosono annunna amate daafira shinoonke. Annu annunku umisi cubbi daafira reyona.

IBIRAAWOOTA 12:9

Wole widoonni, qorichishshannonketi iltino annuwa noonke; insano ayirrinsoommo. Hatto ikkina, lubbotenni hee'rate ayyaanunni Anna ikkinonkehura roorsine mayira dihajajammeemmo?