HIZIQEELI 18:30 - Qullaawa Maxaafa

³⁰ «Xaano Ani Mootichu Kaaliiqi ki'ne Israeelete yeemmo'nehu konneeti: Mitto mitto'ne assooti'ne garinni qorichisheemmo. Kunnira, assitinanni bunshewiinni higge; cubbi'nenni kainohunni umo'ne huntinoonte.

HIZIQEELI 18:30 ပူးပေါင်းရင်းမြစ်များ

IZIRA 10:11

Xa akaakka'ne Maganira Kaaliiqira cubbo'ne ifaaxxe; isi yiinotano ikke. Qooxeessi'nera noo daga giddonninna wole gosanni adhitinoonni meentiwiinni baxxe» yii.

ROSIISAANCHO 12:14

Maganu baalanka coye, maaxaminohano ikkiro mannu looso baala, danchano bushano yoote shiqishanno.

ROSIISAANCHO 3:17

Anino wodani'yanni, «Wo'munkuri baxxannoti yanna noo daafira, Maganu cubbaataamono halaalaanchono yoonniwa abbanno» yee hedoommo.

ISAYAASI 21:12

Qotaanchuno, «Soodara rahino; ikkollana hashshu galagale daanno; ledde buuxattora hasi'rittoro galagalte amo» yiisi.

ISAYAASI 59:20

Kaaliiqi mannisira, «Gargarammo'neranna cubbo'ne aagintaabbinannire gatisate, ani Yerusaalame dayemmo.

ERMIYAASI 25:5

Himanaanono, ‹Kaaliiqi ki'neranna akaakka'nera geedote uyino'ne baattora heedhinanni gede, bunshetewiinni agurtine higge.

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 7:3

Olantote Mootichi Kaaliiqi Israeelete Magani, tenne baattora hee'ra hasidhiniro, busha ha'rinsho'nenna looso'ne soorridhe.

HIZIQEELI 14:6

«Kunnira, ani Mootichu Kaaliiqi Israeelete yeemmore kulinsa: Tiyyi'nanni maganna kaphunnitewiinni agurtine anewa higge.

HIZIQEELI 18:21

«Bushu manchi cubbo loosa agure Seera'ya agadhiro, taalonna dancha coye assiro, addinta lubbotenni hee'ranno ikkinnina direyanno.

HIZIQEELI 18:29

Ki'ne Israeele kayinni, ‹Mootichu assanno coyi gara di"ikkino› yitinanni. Heddinanni woyite, ane doogo gara di"ikkitino? Gara ikkitinokkiti ki'ne doogooti.

HIZIQEELI 24:14

Ani looseemmo yanna kuneeti daggino; cubbokki lashshi asse dilaeemmo. Mararummokkinni assootta bunshe baalate qorichisheemmohe. Konne coye coyi'roommohu ani Mootichu Kaaliiqaati» yii.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 33:20

Ki'ne Israeele kayinni, ani asseemmori gara ikkinokki gede assitine heddinanni. Ikkollana, mitti mitti'nera loosi'ne garinni yoo yeemmo'ne» yee coyi'rie.

HIZIQEELI 33:9

Bunshe assino mancho higanno gede qorophisiisseenna giwe, bushu loosisinni higikkinni cubbisinni hee're reyiro, ati dixa'mamatto» yee coyi'rie.

HIZIQEELI 34:20

«Kunnira, ani Mootichu Kaaliiqi, ki'ne misaddunna yaraddu ge'reewi'ya mereero yoo yeemmo.

HIZIQEELI 36:19

Assootinsanna ikkitonsa baala busha ikkitino daafira, yoo yuummonsa; allaggu gobbarano billaallisoommonsa.

HIZIQEELI 43:9

Kunni ka'a kayinni kaphu maganna magansi'ra agurate, mootoollansa reeshshano kawiinni hoola hasiissannonsa. Hatto assituro ani mereeronsa hegere geeshsha hee'reemmo» yaanna macciishshummo.

HIZIQEELI 7:27

Mootenna gashshaanonsa baala hexxo ba'eennansa wi'litanno; mannuno waajje huxi'ranno. Loossino loosi baalaho qorichisheemmonsa; wolootaho yitino garinni yoo yeemmonsa. Kunino ani Kaaliiqa ikkoommota leellishannonsa» yii.

HIZIQEELI 7:3

« ‹Israeele, kuneeti goofimarchi'ne iillino; assitinoonni sao baalate yoo yaammo'nera hanqi'ya aana'ne dirranno. Assitinoonnihu shagaggi'nanni coye ikkino daafira, ki'nera malino qoricha adhitinanni.

DAANIEELI 9:13

Muse seerira borreessinoonni garinni konne baala qoricha ninke aana abbootto. Kaaliiqa Maganonke! Kuni baalu ikke hee'reenna cubbinkenni higatenna halaalu hoode ha'rate maarokki daafira ate dihuucci'noommo.

HOOSEI 12:6

Kunnira ki'ne Yaiqoobi sirchi Magani'ne kaa'lo hexxe; isiwano higge. Baxillenna halaalaancho yoo duudhine amadde. Agurtinikkinni Magano cincatenni agadhe.

ZAKKAARIYAASI 1:4

Akaakka'ne ha'ruma hadhinoonte; insa albi himanaano, busha doogonsanninna bushu loosinsanni higganno gede qorophisiissinonsa; insa kayinni, qaale'ya dimacciishshitino; hajajo'yano diwonshitino.

MILKIYAASI 3:18

Hatte yannara anera soqqamannoehura danchu manchira assinannisi danchummanna soqqamannoekkihura bushu manchira iillannosi qarra manni'ya la"anno» yaanno.

MAATEWOOSI 16:27

Manchi Beetti Annisi ayirrinyinni sokkaasinesi ledo daanno woyite, mittu mittunkura loosisi garinni aanno.

MAATEWOOSI 25:32

Gosa baala albasiinni gamba yitanno. Allaalaanchu ge'reewo meuwiinni badannonte gede, isino gosa kawanna ka'a badanno.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 3:8

Xaate aagintaawa'ne leellishanno looso loosse.

LUQAASI 13:3

Dee'ni, dihattooti; cubbo'ne aagintaawa hoogginiro ki'neno ba'inanni.

LUQAASI 13:5

Dee'ni, dihattooti; cubbo'ne aagintaawa hoogginiro, ki'neno ba'inanni» yiinsa.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

YAIQOOBI 1:15

Hakkunni gedensaanni yorto godobbe cubbo iltanno; cubbu lophiro reyo qalanno.

UMI PHEEXIROOSI 1:17

Ayerano godowa hosikkinni mittu mittunkura loosisi garinni yoo yaanno Magano, «Annanke» yitine woshshidhinanniha ikkiro, tenne gobbara wosinchimma heedhinoonni yannara, iso waajjitinanni heedhe.

YOHAANNIS AJUUJA 2:16

Kunni daafira aagintaabbe higi. Hatto ikka hoogittoro, rahe atewa daye afii'yanni fultanno bisenni insa qaseemmo.

YOHAANNIS AJUUJA 2:5

Kunni albaanni hiikko noottohu uwoottoro qaagi; aagintaabbe higge aguroottoha albi loosokki loosi. Hatto ikka hoogittoro kayinni dayemmohe. Aagintaawa giwittoro caabbicho worranniha darginni haa're hooleemmo.

YOHAANNIS AJUUJA 20:12

Reyinohu shiimmaaddunna jajjabbu manni ayirradu barcimira albaanni uurre nooha afummo. Maxaaffano fa'nantu; heeshshonnihu wolu maxaafino fa'nami. Reyino mannirano maxaaffate giddo borreessinoonni garinni loosinsara yoo yini.

YOHAANNIS AJUUJA 22:12

Xaano qole, «Kune ani rahe dayemmo. Mittu mittunkura loosisi garinni aammora, loosisi gumi anewa no.