HIZIQEELI 18:25 - Qullaawa Maxaafa

²⁵ «Ki'ne Israeelete manni, ‹Mootichu assanno coyi gara di"ikkino› yitinanniha ikkanno; ki'ne Israeele ani yeemmota macciishshe. Heddinanni woyite, ani asseemmo coyi baalu gara di"ikkino? Gara ikkitinokkiti ki'ne hadhinanni doogooti.

HIZIQEELI 18:25 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

IYYOOBI 15:13

Maganoho hanqatto gedenna, togoo coye coyi'ratto gede assinoheri maati?

IYYOOBI 32:2

Iyyoobi Maganunni roore umosi keeraancho assinohura, Raami sircho ikkinohu Buuzi gobbahu Barakeeli beetti Eelihu lowo geeshsha hanqi.

IYYOOBI 35:2

«Ati, ‹Ani Maganu albaanni fayyaaleessaho› yootto; halaalintanni hatto yaakki atera garahoni?

IYYOOBI 40:8

Umokki keeraancho assite, ane halaale dawisoommohu gede kiirate wo'naaltanni nootto?

FAARSO 145:17

Kaaliiqi assanno coyi baalunku halaalaanchoho; baalanka coye shaqqillunni assanno.

FAARSO 50:21

Konne baala assitinanna sammi yee laummota, ane ki'ne gedeeha assitine kiirtinoonnie; xa kayinni xawoho abbooshshi're, la'inanna borooreemmo'ne.

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

LAWISHSHA 19:3

Mannu umisi gowwimmanni heeshshosi hu'nanno; wodanisinni Kaaliiqa abbooshshi'ranno.

ERMIYAASI 12:1

Kaaliiqa'ya, abbooshshi'reemmohe kiirolla, ati keeraanchoho. Xa kayinni taashshate daafira xa'mi'reemmohe; bushu mannira mayira qinaannonsa? Hexxinannikki mannira mayira injaannonsa?

HIZIQEELI 18:26

Danchu manchi danchumma agure, bunshe assiro, assino bunshenni reyanno.

HIZIQEELI 18:29

Ki'ne Israeele kayinni, ‹Mootichu assanno coyi gara di"ikkino› yitinanni. Heddinanni woyite, ane doogo gara di"ikkitino? Gara ikkitinokkiti ki'ne doogooti.

HIZIQEELI 33:17

«Hiziqeeli, mannikki kayinni, ani asseemmo coyi gara ikkinokki gede asse hedanno; saonka gara ikkitinokkiti insa doogooti.

HIZIQEELI 33:20

Ki'ne Israeele kayinni, ani asseemmori gara ikkinokki gede assitine heddinanni. Ikkollana, mitti mitti'nera loosi'ne garinni yoo yeemmo'ne» yee coyi'rie.

SOFFOONIYAASI 3:5

Keeraanchu Kaaliiqi kayinni, xaano giddosi no. Isi horonta so'ro diassanno; soodo soodontenni mannisira halaalaancho yoo yaanno. Barra tuqa konne coye diaguranno. Kuni baalu ikke hee'reennanni hakkiicho hee'rannohu haxawarru manni saalfatikkinni sao assanno.

MILKIYAASI 2:17

Kaaliiqa haafu coyi'nenni hifachiishshinoonnisi. Ki'ne kayinni, «Hiissine hifachiinshummosi?» yitinanni. Iso, «Olantote Mootichi Kaaliiqi bunshe assitannore naadanno» woy, «Halaale coyi'ranno Magani hiikko no?» yitinanni hifachiishshinoonnisi.

ROOMU SOKKA 10:3

Maganu keereensanno doogo afa hoogansara, uminsanni keeraanchimma hasidhanni, Maganu keeraanchimma hoode dihadhino.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

ROOMU SOKKA 3:5

Ninke cubbi Maganu keeraanchimma leellishannoha ikkiro, ma yineemmoyya? Maganu cubbinke daafira qorichishinkero, yoosi dabbino yaateni? Konne coye coyi'reemmohu mannu hedanno garinniiti.

ROOMU SOKKA 9:20

Koo mancho! Maganu ledo xa'mamate mayi taalleenyi noohe? Doru uduunnichi ganannosiha, «Togo assite mayira loosittoe» yaa dandaannoni?

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.