HIZIQEELI 18:24 - Qullaawa Maxaafa

²⁴ «Kayinnilla, keeraanchu manchi danchamma assa agure, bushu manni gede bushanna tiyyi'nanni coye assiro, lubbotenni hee'rannoha lawanno'neni? Dee'ni; alba assino danchumma nafa dikiirantannosi. Ammanama hoogasinninna assino cubbinni kainohunni reyanno.

HIZIQEELI 18:24 ပူးပေါင်းရင်းမြစ်များ

LAYINKI DUDUWO 24:2

Qeesichu Yoodahe lubbotenni noo geeshsha, Iyoaasi Kaaliiqi baxanno coye assanni hee'rino.

FAARSO 125:5

Haxawarroota qorichishatto yannara kayinni, doogokki agurtinoreno qorichishi. Keeru Israeelete ikko!

LAWISHSHA 14:32

Bushuullu bunshensanni ubbanno; keeraano kayinni reyote yannara nafa irkidhannowa afidhanno.

LAWISHSHA 21:16

Egennote doogo so'rinoha, reyo agarte noosi.

ERMIYAASI 34:16

Ikkollana gaabbitine badhera higgine su'ma'ya xonsiissinoonni. Mitti mitti'ne meyanna labbaa borojje borojjimmatenni fulanno gede assitinoonnire galagalchitine wolqatenni borojje assidhinoonni.

HIZIQEELI 17:20

Ugaaxannohu gede woshshaado wore amadeemmosi; anera ammanama hooginohura, Baabilooni masse qorichisheemmosi.

HIZIQEELI 18:18

Annisi kayinni hanaaqunninna wolqatenni manna baala beebba assi'rino; kunnira, isi umisi loosino cubbinni reyino.

HIZIQEELI 18:22

Taalo coye assinohura, loosino cubbo baala agurreennasi lubbotenni hee'ranno.

HIZIQEELI 18:26

Danchu manchi danchumma agure, bunshe assiro, assino bunshenni reyanno.

HIZIQEELI 20:27

«Kunnira, koo mancho, ani Mootichu Kaaliiqi yeemmore Israeelete kulinsa. Annuwansa ammanama hoogansanni xontinoeti wole xono aante noote:

HIZIQEELI 33:18

Keeraanchu manchi dancha loosa agure bunshe loosa hanafiro, bushu loosisinni reyanno.

HIZIQEELI 33:6

Kayinnilla, agaraanchu diinu daanna afe hee'renni qorophisiisa hoogiro, diinu daye hakkore cubbaataamma shaanno. Ani kayinni insa reyora iso xa'meemmo.

SOFFOONIYAASI 1:6

Anewiinni faffinore, ane hoode ha'ra agurtinorenna anewa dagge albiseemmonsa gede xa'midhannokkire huneemmo» yii.

MAARQOOSI 13:13

Ane daafira yitineenna, mannu baalu giwanno'nere ikkitinanni; goofimarchu geeshsha cince kaajjannohu kayinni gatanno.

YOHAANNISI 8:21

Xaano Yesuusi, «Ani ha'reemmo; ki'ne ane hasidhinanni; qoltineno cubbi'nenni reyitinanni; ani ha'reemmowano daggine diaffinanni» yiinsa.

YOHAANNISI 8:24

Cubbi'nenni reyitinanni yoommohu kunniraati. Ane ewelumma affine ammana hoogginiro cubbi'nenni reyitinanni» yii.

GALATIYU SOKKA 3:3

Hada ki'ne kageeshshi geeshsha hawanyootahoni? Maganu Ayyaaninni hanaffine umi'ne wolqanni guddinanni?

GALATIYU SOKKA 3:4

Ammanate heeshshohu daafuri'ne baalu mulla beebba gati yaate? Dee'ni, mulla digatino.

GALATIYU SOKKA 5:7

Techo geeshsha dancha gede doddinanni keeshshitinoonni; konne mereero halaaleho hajajantinannikki gede ayi hooli'ne?

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.

LAYINKI YOHAANNISI 1:8

Ki'ne kayinni daafuri'neha wo'ma waaga afidhinanni gede ikkinnina, loosidhinoonnihu ba"anno'nekki gede qorophe.

YIHUDA 1:12

Kuri ledo'ne jilaho ofolturo, saalimale ikkitonsanni ittinanni sagale lageessitanno. Insa umonsa calla baxxannoreeti. Bubbe haadhe hadhannoha xeenu nookki gomicho labbanno. Gumu nookkireeti; lame higge reyitinoreeti; rumushshunkunni arro buqqinsoonni haqqe gedeereeti.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.

YOHAANNIS AJUUJA 3:11

Kuneeti rahe dayemmo; ayino ba'lattokki adhannohekki gede nooheha seekkite cu'mi'ri!

UMI SAAMUEELI 15:11

«Saaooli moohisiisa'yara dadilloommo. Isi ane agurino; hajajo'yano diwonshino» yii. Saamueelino yaade, hashsha wo'ma Kaaliiqa huuccanni gali.