HIZIQEELI 17:23 - Qullaawa Maxaafa

²³ Hakkuno Israeelete noohu jawiidi ilaalaati; guunxono sinna fushshite guma laaltanno. Biifado daguchono ikkitanno; addi addi cea dagge aanase ofoltanno; sinnate aana mine mi'nitanno.

HIZIQEELI 17:23 ပူးပေါင်းရင်းမြစ်များ

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

FAARSO 80:8

Gibitsetenni woyinete kaashsho abbootto; daga shorrite hunte ise kaasootto.

FAARSO ROORE FAARSO 5:15

Lekkuwasi culku aana kaasantinota, cala yaanno kinchi tuuqqa labbanno. Danisi daguwunni biifinoha, Libaanoosi Ilaala lawanno.

ISAYAASI 2:2

Goofimarchu yannara, Kaaliiqihu Qullaawu Mini noo Ilaali, wole ilaalla baalatenni roore leellanno. Gaarra baalantenni roore luphi yee leellanno; gosa baala hakkiichira hadhanno.

ISAYAASI 27:6

Dagganno yannara Yaiqoobi sirchi Israeele, woyinete haqqicho gede rumushsho assidhanno; daraarte laaltanno; laaloseno baatto wo'mitanno.

ISAYAASI 49:18

Haxo gotti yite gamba yee daanni nooha mannakki lai; halaali'ya afanna, ‹Mannikki daye giddokki seesa ikkannohe; idayichote gede irridhe biifatta› yoommo.

ERMIYAASI 31:12

Galagalte higge Tsiyooni Ilaali aana, hagiirrunni faarsitanno. Ani gide, haaro woyinete xajjenna ejersu zayite, hooffille saadanna lalo aatenni maassi'reemmonsa. Waa duuwino gati gedeere ikkitanno; yaaddannori mitturino dihee'ranno.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 31:6

Addi addi cea sinnase aana minna mi'nitu; dubbu moyichino oosonsa caalisera woroonni qali; jajjabbu gashshooti baalu caalisera woroonni fooliishshi'rino.

HIZIQEELI 36:8

Ki'ne Israeelete ilaallara yeemmohu konneeti. Aana'ne heedhanno haqqe baala galagalte lattanno; gumano uyitanno. Israeeleno rahotenni gobbansa higganno.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

DAANIEELI 4:8

Hakkunni gedensaanni magani'ya su'minni Bilxaasoori yine woshshinannihu Daanieeli ei. Kuni manchi qullaawa maganna ayyaana afi'rinoha ikkinohura haaqee'ya,

DAANIEELI 4:9

‹Egennaammu sooreessa ikkoottohu Bilxaasoori! Qullaawa maganna ayyaani noohetanna go'lino coyi baalu maaxamannohekkita afoommo; kune haaqii'roommo haaqee kuleemmohena tirie› yee kuloommosi.

HOOSEI 14:7

Galagalte higge caali'ya hunda heedhanno; gidu mu'ri gede ikkite lattanno. Woyinete kaashshi gede daraartanno; Libaanoosi woyinete xajje gede egennantinore ikkitanno.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

MAATEWOOSI 13:32

Hakku wixi baalunkunni ajinoho. Lophihu gedensaanni kayinni, wole mu'ro baalanta roore haqqa ikkanno. Cea dagge sinnasi aana mine mi'nite heedhanno» yii.

MAARQOOSI 4:32

Winxihu gedensaanni kayinni lophe, wole haqqe rooranno. Cea minna mini'te heedhanno geeshshita jajjabba sinna fushshanno» yii.

LUQAASI 13:19

Maganu gashshooti manchu haa're gate wixinoha shiima guma lawanno. Gumu mu're haqqicho ikki. Ceano sinnate aana mine mi'nitu» yii.

YOHAANNISI 12:24

Halaale kuleemmo'nena, qamadete gumi uulla uwe reya hoogiro callisi gatanno; reyiro kayinni, batinye guma laalanno.

GALATIYU SOKKA 3:28

Ki'ne baalunku Kiristoosi Yesuusinni mitto ikkitinoonnihura, Ayihudete woy Giriikete, borojjichoho woy biiloho, labbaaho woy meyate yinanniri dino.

QOLASIYAASI SOKKA 3:11

Hakkiicho Giriikichunna Ayihudichu, barciminohunna barciminokkihu, allaggichunna fiixu borojjichu woy biilu dino. Kiristoosi kayinni wo'manko; wo'munku giddo no.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.