HIZIQEELI 17:22 - Qullaawa Maxaafa

²² Mootichu Kaaliiqi yaannohu konneeti: «Seeda dagucho birxenni, latino guunxicho hiiqqe haa'reemmo; masse seedu ilaali aana kaaseemmo.

HIZIQEELI 17:22 ပူးပေါင်းရင်းမြစ်များ

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 72:16

Baatto gide laashshito; ilaallate aana jajju wo'mo; Libaanoosi ilaalla gede qiniitunnita ikkito; hayisso baatto guggushshitannohu gede, katammateno mannu wo'mo.

FAARSO 80:15

Tenne haqqicho angakkinni kaasi'rootto; kaajjite lophitanno gede assootto.

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 53:2

Kaaliiqi soqqamaanchi albasiinni, moola baattora mu'rino haqqichi rumushshi gedeeho. Illetenni la"ate xummenna gaamaarre diafi'rino; mootete gede la'ne banxanni dani dinosi.

HIZIQEELI 20:40

Hatte gobbara qullaawu jawiidi ilaali'ya Israeelennihura, ki'ne Israeele baalunku magansidhinannie; anino ki'nenni hagiidheemmo. Kakkalo'ne, fila fushshaate'nenna qullaawa afansha'ne adheemmo.

HIZIQEELI 34:29

Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

HIZIQEELI 37:22

Baattote aana Israeelete ilaallara mitto gashshoote ikkite heedhanno gede asseemmonsa. Baalanka mitteenni gashshannohu mittu moote hee'rannonsa; layinkimeeshsho 2 gosa di"ikkitanno. Gashshootinsano lamewa dibeehamanno.

HIZIQEELI 40:2

Ajuujatenni Kaaliiqi haa're masse, Israeelete gobbara mittu seedu ilaali aana worie. Wodiidi ragaanni, minnoonni katama labbannota mimmitu mule noota kinchu minna afummo.

DAANIEELI 2:35

Siwiilu, doru, camo, birrunna culku baalu hakkawoyintenni cancaname arri yannara ayiddummete aana hee'ranno kuri gede ikkino. Isono bubbe dagge mittoreno gatissukkinni fiite haadhe hadhino. Misilete aana uwi kinchi kayinni baatto baala wo'manni mimmitu aana duunamanni lowo ilaala ikkino.

MIKIYAASI 4:1

Goofimarchu iillanno yannara, Kaaliiqi mini minamino ilaali, wole ilaalla duuchantenni roore leellanno Gaaru wo'munkunni roore gotti yaanno. Lowo gobba manni isiwa lolahanno;

ZAKKAARIYAASI 3:8

Qeesootu qara Iyyaasu, Macciishshi! Ki'neno ledosi soqqantinannirinna albillittete ikkannorira, danchu coyi malaate ikkitinoonniri konne coye wodanche; kuneeti, «Sina» yine woshshinanniha soqqamaancho'ya leellisheemmo.