HIZIQEELI 17:13 - Qullaawa Maxaafa

¹³ Yihudu moote mininni mitto adhe ledosi gondooro eino; ammanaminoha ikkannosi gede xaarsiisino. Wole egennamino mannano qafade adhe ha'ri.

HIZIQEELI 17:13 ပူးပေါင်းရင်းမြစ်များ

LAYINKI DUDUWO 36:13

Moote Nabukadanatsoori ammanamannosi gede Maganu su'minni xaarsiisi'rinohu Sedeqiyaasi aanasi kai. Mokkookke wodana kaajje Israeelete Magani Kaaliiqiwano higa giwi.

ISAYAASI 3:2

Bareeddansanna bagadaanonsa, ejjeettonsanna himanaanonsa masaalaanonsanna gashshaanonsa,

ERMIYAASI 24:1

Baabilooni moote Nabukadanatsoori Yihudu moote Iyoaaqeemi beetto Yoakiini Yihudu gashshaano, angate ogimma afidhinorenna wole egennaammu loosaasine ledo Yerusaalametenni qafade Baabilooni haa're ha'rihu gedensaanni, Kaaliiqi Qullaawu Minira albaanni nooha laalo wo'mitinoha 2 gimboola leellishie.

ERMIYAASI 29:2

Tenne sokka borreessoommohu, moote Yoakiini, amasinna gashshootu mini amaalaasine, Yihudunna Yerusaalamete roorrooti angate ogimma afidhinorinna siwiila seekkitannori baalu qafadante hadhuhu gedensaanniiti.

ERMIYAASI 37:1

Baabilooni moote Nabukadanatsoori Iyoaaqeemi hoole dargasi Iyosiyaasi beetto Sedeqiyaasi Yihudaho moohisi.

ERMIYAASI 5:2

Ki'neno, ‹Heeshshote Magani Kaaliiqi halaaleeti› yitine, ane su'minni xaartinanni; xaartinoonni xaaro kayinni qoltine diigginanni.

HIZIQEELI 17:16

«Ani Mootichu Kaaliiqi heeshshote Magano ikka'yanni xaareemmona, kuni moote ayirradu barcimira ofoshshiishinosihu Baabilooni moote ledo eino gondooro diigasinni mare Baabilooni reyanno.

HIZIQEELI 17:5

Hakkunni gedensaanni, Israeelete gobbanni fullo guma haa're, waa afi'ranni lophannowa mittowa shaqqado darga masse kaasi.

HIZIQEELI 21:28

Qoleno, «Koo manchi beetto, himana coyi'ri! Israeele xontannorira Amoonootaho ani Mootichu Kaaliiqi yeemmore, ‹Huntanno bise qixxaabbino; iseno, shitaranna banqote gede bilicci yitara fiinoonnite.

HOOSEI 10:4

Gumiweelo ikkino coye coyidhanno; kaphu xaaronni gondooro e'anno. Kunninni kainohunni, halaale dawisa loosu giddo mu'rinohu harfaamu ishini gede ikkitanno.

UMI SAAMUEELI 11:1

Amoonichu moote Naoosi fule Geleaadi nooha Yabiisi Katama gaangeessi. Yabiisi manni baalunku iso, «Ninke angakki galleemmona, ninke ledo gondooro ei» yitusi.