HIZIQEELI 16:60 - Qullaawa Maxaafa

⁶⁰ Ikkollana, anjekki yannara ate ledo eoommo gondooro qaageemmo; hegere gondooro ate ledo e"eemmo.

HIZIQEELI 16:60 ပူးပေါင်းရင်းမြစ်များ

KALAQAMA 9:15

‹Kunni ka'a baote wayinni, lubbo afi'rino kalaqama baala horonta dihuneemmo› yee ki'nenna wolootu lubbo afi'rino kalaqami baalu ledo eoommo gondooro qaageemmo.

LAYINKI SAAMUEELI 23:5

«Ane ledo hegere gondooro eino daafira, ba"annokki namoomanna, soorrantannokki hexxo aannoe. Halaalinta Kaaliiqi sircho'ya kunni garinni maassi'ranno; tini anera halcho'yaati; qeelle'yano iseeti; Maganuno addinta konne coye wonshannoe.

FAARSO 105:8

Gondoorosi hegerera, uyino hexxono kume ilama geeshsha agaranno.

FAARSO 106:45

Insara yee gondoorosi qaagino; bagamannokkihu baxillisinni kainohunni mararinonsa.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 55:3

«Anewa higgine yeemmore macciishshe! Lubbotenni heedhinanni gede qaale'ya macciishshe. Daawitira oommota bagamannokki baxilli hexxo, ki'ne aana wonsheemmo.

ISAYAASI 61:8

Kaaliiqi, «Ani halaale baxeemmo; mulqi'ranna sao giweemmo. Ammanama'yanni manni'yara malino ba'raa'ra eemmo; insa ledono hegere gondooro e"eemmo.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

ERMIYAASI 50:5

Tsiyooni massitanno doogo xa'mitanni, hattenne doogo amadde hadhanno; ‹Layinkita didiingeemmo› yitanni, ane ledo hegere gondooro e'anno.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

HIZIQEELI 34:25

Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

HOOSEI 2:15

Albiha woyinete kaashsho qoleemmose. Qarru Lagichino Hexxote Waalcho ikkannose gede asseemmo. Hakkiichono Gibitsete gobbanni fultu waro seennimmate yannara baxxue garinni qolte baxxannoe.

LEEWAAWOOTA 26:42

Yaiqoobi, Yisihaaqinna Abirihaami ledo eoommo gondooro qaageemmo; ki'ne manni'yara baatto aammora coyi'roommo qaale haaroonseemmo.

LEEWAAWOOTA 26:45

Insa daafira yee, Maganonsa ikkeemmo gede daga la'anna Gibitsete gobbanni fushshummonsa waro, annuwansa ledo eoommo gondooro qaageemmo. Ani Kaaliiqaati» yii.

LUQAASI 1:72

Hatto yiinohu, annuwankera maarosi leellisharanna, coyi'rinoha qullaawa gondooro wonshara hedeeti.

IBIRAAWOOTA 12:24

Haaru gondoorira mereerima ikkinohuwa Yesuusiwa, Aabeeli mundeenni roore woyyino coye coyidhannotewa winxoonni mundeewa shiqqinoonni.

IBIRAAWOOTA 13:20

Maganu Mootichanke Yesuusa reyotenni kayisino. Isi jawa ge'reewu Allaalaancho ikkinohu, hegere gondooro sumundoonnitenni kakkalamino mundee widoonni higeeti.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.