HIZIQEELI 16:49 - Qullaawa Maxaafa

⁴⁹ Soddoomunna seennise duushshitino sagale afi're qarru nookkiha keere hee'rinohura naaxxino; buxanenna qarrantinore dikaa'lino.

HIZIQEELI 16:49 ပူးပေါင်းရင်းမြစ်များ

KALAQAMA 13:10

Looxi la"anno woyite, Yordaanoosi Lagi gaangaawira noo gobba baala wayi wo'minota ikkase afi; Kaaliiqi Soddoomanna Gomoora hunara albaanni, Zooaari geeshsha, gobba Kaaliiqi Gannate gede Gibitsete Laga labbannote.

KALAQAMA 13:13

Soddoomu manni kayinni lowo geeshsha bushahonna Kaaliiqi giwanno coye assannoho.

KALAQAMA 18:20

Kaaliiqino, «Soddoomunna Gomooru bunshenni kainohunni raaranno manni raare lowo geeshsha batidhino; cubbinsano quwa saino.

KALAQAMA 19:24

Kaaliiqi Soddoomunna Gomooru aana gordunni giiranna ruqano dirrisi.

KALAQAMA 19:9

Insano, «Ka'a higi!» yitusi. Qolteno, «Ati diwole gobbanni dayottoho? Assineemmore ati kulattonke? Giwittoro insa aana assinammora hendoommohunni roore, ate aana busha coye assineemmo» yitusi. Kunni garinni Looxi xiibbe tugge waalcho hiiqqitara ka'u.

FAARSO 138:6

Wo'munkura Aliidiha ikkite heedhenni jooguulle towatatto; bonaleeyyeno albikkinni go'litara didandiitanno.

LAWISHSHA 16:18

Boo'na baote widira haadhe hadhanno; boollaqi'rano uwate widira qolte massitanno.

LAWISHSHA 16:5

Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

LAWISHSHA 18:12

Naaxxaleessu wodani bao abbanno; umo heeshshi assa kayinni ayirrinye uyitanno.

LAWISHSHA 21:13

Buxichu raarera umo duwe giwannoha, qarrame raareenna kaa'lannosihu dihee'ranno.

LAWISHSHA 21:4

Boonaleessaho, boollaqi'rannohuranna bushaho caabbichinsa cubboho.

ISAYAASI 1:10

Ki'ne gashshaanonna Yerusaalamete manni baalu Soddoomunna Gomooru manni gedeereeti. Ani Kaaliiqi Magani'ne yeemmore wodana assitine macciishshe:

ISAYAASI 16:6

Yihudu manni, «Moaabi manni naaxxaleeyye, boonaleeyyenna boollaqidhannore ikkitinota anfoommo; ikkollana mulla haafalla boo'nitanno» yaanno.

ISAYAASI 3:9

Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

ISAYAASI 47:8

«Ati wodanikkinni, ‹Ane gedeehu dino› yite, atenee Maganu ledo taashshootta. ‹Galtiweelo di"ikkeemma; woy ilaweelono di"ikkeemma› yite, bashshi assattakkiha hawaqidhe hee'rattati, konne coye macciishshi!

ERMIYAASI 48:11

Kaaliiqi, «Mittu uduunnichinni woleho galchinikkinni, coommilliseno soorramikkinni ofolte heedhanno xajje woyinennite gede, Moaabi gosano hundinni kayisse techo geeshsha wodahantukkinni heedhino; qafadanteno diegentino.

HIZIQEELI 16:46

«Yerusaalame, rodookki seennise ledo, aliyyeenni noo Samaariyaati. Maa'ne rodookkino seennise ledo wodiidoonni noo Soddoomaati.

HIZIQEELI 18:12

buxanenna qarrantinore miiciro, manni jajja wolqatenni adhiro, woxe liqiissanno woyite amadote adhinoha qolannokkiha ikkiro, wole daga magansidhannowa mare kaphu maganna magansi'ratenni tiyyi'nanni coye assiro,

HIZIQEELI 18:16

Ayeno dimiicanno; woy manni jajja wolqatenni diadhanno; woxe liqiissanno woyite amadote adhinore digatisi'ranno. Hudi'rinoha itisanno; kallinoha uddisiisanno.

HIZIQEELI 18:7

Ayeno didoganno; woy aye jajjano wolqatenni diadhanno. Woxe liqiissanno woyite amadisiinsoonnisire baala qolanno; hudi'rinoha itisanno; kallinoha uddisiisanno.

HIZIQEELI 23:42

Halallitte gobbanni koyinseenna dayino labballi mitteenni gamba yee, cancanni agino; insano meentoho angansara gume wortino. Lamentera umoho biiffino ba'latto wortinonsa.

HIZIQEELI 28:17

Danikki xummenni kainohunni naaxxootto; maccaha ikkakki gowwa assitinohe. Kunninni kainohunni woro qole wigidiidoommohe; wole mootoollano atenni jiiltanno gede assoommo.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 28:9

Shitahera dagganno woyite atenee xaano maganu gede assite kiiratto ikka? Shitannori angara eatto woyite ati mancho ikkoottota, kayinnilla magano ikkoottokkita afatto.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

ABIDIYU 1:3

Wodani'ne boo'na doggino'ne; ki'ne kaajjadu kinchi aana minnoonni katami giddo heedhinanni; galtinanni minino jajjabbu ilaali aana minaminoho. ‹Hee'neemmo darginni dirrisankera dandaannohu ayeti?› yitine boo'nitinoonni.

LUQAASI 17:28

Looxi yannarano hatto ikkino. Hatte yannarano mannu itanninna aganni, hiranninna hidhanni, kaasi'ranninna mi'nanni no.

LUQAASI 21:34

Yesuusi lede, «Itunna agu batinyinni, dimbatenninna tenne gobba heeshshora yaaddinanna wodanu daafuranno'nekki gede qorophe! Hakkuyi ka'a kayinni, hakku barri hedeweelcho woshshaadote gede ikke amadanno'ne.

MARRO 32:15

«Israeele duubbe maahoyye gibbino; manninatinsa kee'mino; sagaleno qawaaxxidhino. Kalaqinonsa Magano agurtino; wolqaataamo gatisaanchonsa mishshino.

YAIQOOBI 5:5

Qawaaxxaamenna hagiirraame heeshsho heedhinanni, gorrinara qixxeessinoonni saada gede du'mitinoonni.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

YOHAANNIS AJUUJA 11:8

Reeshshinsa Mootichinsa sutaminowa masalsanni Soddooma, woy Gibitse yinannihura lowo katamira hala'lado doogo aana diriiranno.