HIZIQEELI 16:4 - Qullaawa Maxaafa

⁴ Ilamitta yannara, suuwinohehu woy hayishshinohehu woy maxinetenni amammade hoccunni xaaxinohehu ayino dino.

HIZIQEELI 16:4 ပူးပေါင်းရင်းမြစ်များ

KALAQAMA 15:13

Kaaliiqi Abiraamira, «Sirchikki allaggu gobbara wosi'ne hee'rannota seekkite afi; hakkiichono borojjimmatenninna kadamatenni 400 diro hee'ranno.

ERMIYAASI QURTO 2:20

Kaaliiqa'ya lai! Ninke gede assite wole qorichishoottoni? Meentu ilansanna lossi'rino ooso itona? Qeesootanna himanaano Qullaawa Mine shinona?

ERMIYAASI QURTO 2:22

Jilu barri gede diina'ya base baalatenni koyisse gamba assootto; hanqikki barra baotenni gate fulinohu mittuno dino; ile lossi'roommorenna baxeemmore ooso'ya shitino.

HIZIQEELI 16:3

Mootichu Kaaliiqi isera yaannore, ‹Ilamoottahu Kana"aani baattoraati; annikki Amooraawichaho; amakki kayinni Hitichote.

HIZIQEELI 20:13

Ikkollana, halallitte gobbara heedhenni ane gibbinoe; agadhanno baalira heeshsho uyitannota hajajo'yanna seera'ya huntino. Fooliishshote Barrano batteessitino; hakkiicho halallitte gobbarano hanqo'ya leellishe hunammonsara kaoommo.

HIZIQEELI 20:8

Ikkollana, anera haxawarrite hajajo'ya macciishsha gibbino; tiyyi'nannita misillansano dihuntino; woy Gibitsennita kaphu maganna magansi'ra diagurtino. Kunnira, Gibitsete heedhu yannara, hanqo'ya leellishammonsara hedoommo.

HOOSEI 2:3

Higa hoogguro kayinni, imaanase mulqe ilantu barri gede mullicho asse agureemmose. Moola baatto gede asseemmose; wayi goo'rono shitannose.

HOOSEI 2:5

Amansa foora ikkitino daafira, insa shollaataamu garinni godobbino. Konne coye assitinohuno, «Ella'yawa ha'reemma; insano sagalenna waa, ge'reewu ordanninna shaalado shalonni gannoonni imaana, ejersu zayitenna woyinete xajje uyitannoereeti» yitino daafiraati.

LUQAASI 2:12

Malaateho, qaaqqo hoccunni xaanxeenna hoowete saadate hayisso worranni badiri aana goxe nooha affinanni» yiinsa.

LUQAASI 2:7

Hakkiicho heedhe bayira beettose iltu; wosinu galanno dargi nookki daafira, hoccunni xaaxxe hoowete saadate hayisso worranni badiri aana goxissu.

MARRO 15:15

Ki'ne umi'ne Gibitsete gobbara borojje ikkitine heedhinoonnitanna Magani'ne Kaaliiqi wode haa'rino'neta qaagge. Techo tenne hajajo eemmo'nehu kunni daafiraati.

MARRO 5:6

«Kaaliiqino, ‹Borojjimmate giddonni Gibitsete baattonni fushshummohehu Maganikki Kaaliiqi aneeti.

IYYAASU 24:2

Iyyaasu mannu baalankura, «Israeelete Magani Kaaliiqi, ‹Lowo dirira albaanni Akaakka'ne Efiraaxisi Wayira widoonni wole maganna magansidhanni heedhino. Hatte annuwa giddonni mittu Abirihaaminna Naakoori anni Taaraati.