HIZIQEELI 16:38 - Qullaawa Maxaafa

³⁸ Adhamase gondooro diigge, manna shitanno mancho gede asse qorichisheemmohe. Hanqi'yanninna buwanno aari'yanni sheemmohe.

HIZIQEELI 16:38 ပူးပေါင်းရင်းမြစ်များ

KALAQAMA 38:11

Hakkunni gedensaanni, Yihudi beettisi galte Taamaarira, «Beetti'ya Sheela lopha geeshsha hadhe annikki mine ofolli» yiise. Hatto yiinohu isino roduuwisi gede reyannoe yee waajjinohuraati. Taamaarino hadhe annise mine ofoltu.

KALAQAMA 38:24

Sasu agani gedensaanni Yihudira, «Beettikki galte Taamaari foortannota ikkitino; foorretennino godobbino» yine kullisi. Yihudino, «Gobbaanni fushshitine giirre» yii.

KALAQAMA 9:6

«Mannu kalaqaminohu Maganu akatinniiti; kunni daafira, afanni hee're manna shaannohu baalu mannu anga reyanno.

FULO 21:12

«Manna gane shaanno mancho shinona.

ERMIYAASI 18:21

Kunnira oosonsara hude soyi; insano olunni gooffanno gede assi. Meentinsa gunnootanna ilaweeloota ikko; jajjabbu dhibbunni wedellu olunni, gooffanno gede assi.

HIZIQEELI 16:36

Imaanakki mulqidhe, foortanno mancho gede ellakkiranna tiyyi'nannirira kaphu magannakkira, manninatekki reqecci assootta; kaphu magannara kakkalate oosokki gorrootta.

HIZIQEELI 16:40

«Albiti ellakki aaramino manni kinnatenni gane, bisetenni doddole shaannohe gede aanakki kakkayissanno.

HIZIQEELI 23:24

Insano lowo faradi gaare olunnitenninna sinqe hogomboonni gaarenni dukkisantinota jawa olanto adhite dagge, aliyye ragaanni bala tuggannohe. Wonqotenninna umoho wodhinanni gullee siwiilunnitenni gargadhitanni doyissite amaddannohe. Anino insara sayise eemmohe; insano seerinsa garinni yoo yitannohe.

HIZIQEELI 23:25

Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

HIZIQEELI 35:6

Kunnira, ani Mootichu Kaaliiqi heeshshote Magano ikka'yanni xaareemmona, ate reyote sayise eemmo. Horonta digatatto; manna shaate sao noohe daafira, ateno reyo hassannohe.

HIZIQEELI 36:18

Manna shaatenninna kaphu maganna magansi'ratenni, baatto batteessitino daafira, aara'ya insa aana dirrisoommo.

LEEWAAWOOTA 20:10

« ‹Mittu manchi wolu galte ledo fooriro lamenka shinona.

NAHOOMI 1:2

Kaaliiqi Maganu wole maganna magansidhannore wore dila"anno. Diinnasinna hettissannosire baala qorichishanno; hanqosi aanansa dirrisanno.

SOFFOONIYAASI 1:17

Kaaliiqino, «Ane albaanni cubbo loosatenni sao assitinohura, ballinohu gede jaanjura geeshsha mannu baalu aana wolqaataamo qarra abbeemmo. Mundeensa wayi gede lolakkanno; reeshshinsano fudu gede mullawa tugamanno» yaanno.

KIIRO 35:16

« ‹Mittu manchi wole siwiilunni woy kinchunni woy haqqunni gane shiiro, afanni shiinohu gede assine kiirranni. Kunnira isono shinona.

KIIRO 35:21

woy afanni hee're angatenni ganeenna reyiro, isono shinona. Manna shiino daafira shinoonnihura fiixa ikkannohu illetenni xaadi yannara shaa hasiissannosi.

KIIRO 35:31

« ‹Reya hasiissannosi manchiwiinni guma ittinoonte; horonta reyona.

YOHAANNIS AJUUJA 16:6

Qullaawu mannitanna himanaanote mundee duntino daafira mundee hayikkisoottonsa; kuni insara malinoho» yaanna macciishshummo.